Page 20 - BNDIA ARUBA

A20 DEPORTE
Diahuebs 17 Januari 2019

Tenista Kyle Frankel ta riba

President’s List na Elon

University

NORTH CAROLINA – Recientemente e hoben tenista
Kyle Frankel cu ta residencia na Merca y a aparece riba
e President’s List for the 2018 fall semester. Kyle Fran-
kel ta prestando den gran forma na e universidad cu e
ta bishita esta Elon University.

Kyle ta bishita Elon University unda e ta studia y alabes prac-
tica su deporte di tennis. Na Aruba, Kyle a briya den e deporte
di tennis unda e la bira e prome hungado di Aruba cu a logra
skirbi e torneo internacional TIHTA riba su nomber.

TK4 ta preparando pa e di 8 TK na Surinam

ORANJESTAD – Durante fin di siman a tuma luga e
prome training na Baby Beach,despues di vakantie pa e
di 8 TK na Surinam.

Nos kier logra nos meta y ta prepara e team bon y a cuminsa
cu un training intensivo na Baby Beach ariba e santo blanco.
Nan a train hopi ariba e forsa di nan pianan. Training den veld
semper ta mas duro cu ora ta train den gymzaal. Aruba tin 7
aña consecutivo ta gana e copa di TK na Surinam y ta train cu
e team di cadet cu e meta pa gana e di 8 TK.

E aña aki ta e prome biaha cu nos ta bay participa cu 4 atleta
na luga di 5 atleta, pasobra esaki ta e cambio cu a bin desde
aña pasa november y awo ta bay wordo uza na Surinam. Aru-
ba su team ta consisti di e siguiente atletanan: Samuel Rosa-
rio di Noord Taekwondo Center bou guia di Grand Master
Chaco Cornelio, Master Melvin Rasmijn, David Dubero y
Joshmar Wever. Roderick Tromp, Danon Delamore y Joshua
Klabér di Brazil Taekwondo Stichting bou guia di Master Al-
berto Klabér & Sons. Jourdé y Záhyon Klabér ta bay coach e
team di Aruba na Surinam.

Aruba Taekwondo Bond a ricibi Záhyon y Jourdé Klabér na aeropuerto

ORANJESTAD - Diadomingo Guaicaipuro
Jimenez presidente di Aruba Taekwondo
Bond a bay ricibi Záhyon Klabér campeon
di Hulanda y su ruman mayor Jourdé Klabér
na nan yegada na aeropuerto.

Nan tabata na Europa pa un winter camp y
campeonato. Aki ta unda cu Záhyon Klabér a
logra sali campeon di Hulanda den e categoria
di -68 kilo.

ARTBO ta contento cu e resultado di e atleta-
nan. Awo ta preparando pa e clasificacion pa
Pan Americano na luna di Maart na Santo Do-
mingo.