Page 49 - MIN ECEM

Polis a confisca cantidad grandi di beach chairs

entre Riu Palace y Hilton Resort

4 mins ago 0 0 Views
Palm beach – Dialuna parti mainta y te den oranan di merdia polis a bay altura di Pelican Pier,
caminda tin dos compania di Watersport, cu ta rent beach chairs parasol y mas cos.
Polis a duna su version y esnan cu ta huur e stoelnan tambe.
Na e sitio nos a papia cu Rudy, cu ta un di e operadornan cu polis a bay cu un cantidad grandi di
su beach chairnan.
E la conta nos cu e ta den e negoshi for di 1989. Na yegada nos a puntra un agente policial kiko
ta e motibo cu nan a bay cu un cantidad grandi asina di stoel y nos a compronde cu lo tin un
“exceso” di beach chairs nan aki y cu debi na cierto cambionan esaki lo no ta permiti. Pues aki ta
papia di e beach policy, segun nos a compronde.
Sr Rudy a sigi splica nos cu awe mainta diripiente autoridad a wak cu tin dimas beach chair y cu
esaki no por y sin tene na cuenta cu diamars tin tres pa cuatro cruiseship aden. Pues mas cu claro
su negoshi lo bay sinti e efecto di menos stoel y tambe parasol cu nan a bay cu nan. E operador a
bisa nos cu ta straño cu te awor a wak cu tin dimas beach chair.
Fuera di esaki e dos operadornan di watersport cu ta banda di otro, lo tin algun ” issues” cu otro
y strand politie lo ta na altura tambe di esaki. E problema ta e espacio entre e dos luganan, cu a
wordo yena cu materialnan di cada uno y esaki lo no a cay den bon tera, causando descontento.
Polis a bay cu beach chair di ambos operador. Lucho towing tawata esun encarga pa transporta
un cantidad grandi di beach chair pa warda di shaba.
DIP
Parti di e beach policy ta cu d.i.p lo ta buscando un manera of tin e manera caba pa bay trata na
organisa tur cos entre e operadornan di watersport pa tur hende por contento y evita tipo di
situacionnan manera esaki.