Page 51 - MIN ECEM

Presidente di Parlamento: Presupuesto di Raad van Advies,
presupuesto supletorio y otro leynan a keda aproba

Monday, 19 December 2016 20:21
Comparti

Presidente di Parlamento ta informa cu na un forma eficiente a aproba e presupuesto di Raad van Advies
unanimamente.
Alavez e presupuesto suppletorio tambe a keda aproba dor di mayoria den Parlamento, aprobando alavez
na un forma unanime e amienda presenta dor di fraccion di AVP unda ta pasa un suma di e presupuesto
di Staten cu a resta riba e post di “kosten” pa e post di inversionnan. Esaki paso Parlamento a resta placa
di gastonan di anja 2016 y kier haci uzo di esakinan pa inverti den diferente proyecto importante manera
airco, seguridad den Parlamento y IT. Wyatt-Ras a keda satisfecho cu e desaroyo aki unda e fraccion cu
ta sostene gobierno y oposicion a mira e interes di pais na promer lugar.
Durante e dia a aproba alavez e ley cu ta regla e instalacion di diferente ministerionan, e cuenta annual di
anja 2015 y e cambio den impuesto di vehiculonan.
Wyatt-Ras ta hopi satisfecho cu den dos reunion na un forma eficiente a trata 5 ley importante pa pais
Aruba. Por bisa cu di e forma aki Parlamento di Aruba ta cumpli cu ley di comptabilidad y dor di pasa e
diferente leynan aki na tempo ta cumpli cu e trabou di control di Parlamento ariba gobierno. E
presidente di Parlamento ta anuncia alavez cu diamars lo tuma despedida di Gobernador den
Parlamento.
Wyatt-Ras a gradici personal di Parlamento y griffier pa e trabou sublime desplega unda cu sin importa
ta skohe pa interes di finaliza trabounan. Na final Parlamento lo tin su reces desde 21 di december 2016
te cu 2 di januari 2017.