Page 48 - HOH

Stichting Bloedbank Aruba A Celebra Dia

Internacional Di Donante Di Sanger

 Local
- 18/06/2019

Stichting Bloedbank Aruba a celebra Dia Internacional di Donante di Sanger cu tabata

dia 14 di juni ultimo. E donantenan cu ta salba bida y pues ta ser considera como un
heroe ta haci e bunita gesto di haci un donacion di sanger tur ora cu mester di nan of
yama nan. Pa celebra e dia aki, Stichting Bloedbank a treat e donantenan como
gradicimento.

Na Aruba tin solamente 1600 donante di sanger cu ta activo, asina Fabian Werleman,
coordinador di Banco di Sanger, a duna di conoce. Segun e standard internacional e
cantidad di donante mester ta 3000.

E grupo di donante cu tin, ta dunando sanger riba un frecuencia basta halto y Banco di
Sanger ta spera di por haya mas donante di sanger pa baha e presion riba e donantenan di
sanger existente cu tin awor.

Loke a inspira Jelitza Lake pa bira un donante ta simplemente e hecho cu ta salba bida.
Esey ta un motibo pakico bo ta bira un donante pa yuda otro.