Page 49 - HOH
P. 49
“E por t’ami mes cu un dia mester di sanger”. E parti di control ta super bon, pasobra bo
ta haci un chekeo di salud di biaha, el a duna di conoce.
E ta recorda cu un par di biaha el a bin Bloedbank y e no por a duna sanger pasobra su
presion di sanger tabata halto y asina a ser manda su dokter di cas pa controla.
“Bo mester ta optimal di salud, pues cu un sanger perfecto pa por duna na bo prohimo”,
Jelitza Lake a duna di conoce.
Esnan cu ta interesa pa bira donante di sanger por yama 587 0002 of pasa Bloedbank,
p’asina haya mas informacion con por bira donante. Tambe por subi nos pagina di
facebook of website www.bloedbankaruba.aw unda por registra pa un cita. Ora di cita lo
haci un “intake” cu e persona, unda lo check presion di sanger, con halto e sanger ta.
Tambe ta haci testnan di sanger pa mira riba enfermedadnan contagioso, ta haci un check
up general di salud y despues e persona lo tende si e por bira un donante di sanger.
Un danki un bes mas ta bay na tur heroe cu ta duna sanger pa salba bida. Un donacion cu
sin duda algun ta impagabel. Boso ta Aruba su heroenan!
