Page 51 - HOH

Vocero Di Buearu City Inspector Robby Rosel Ta

Bisa: San Juan No Ta Simplemente Kima Sushedad,

Pero Esaki Ta Kima E Limpiesa Di Cosehanan Di Bo

Cunuco Cu Tabata Tradicion Di Antes

 Featured
- 18/06/2019

Dia 24 di juni awor ta Dia di San Juan y Dera Gai cu ta un tradicion cu a sali di Mexico y
pasa pa Venezuela y yega Aruba. Esaki ta un tradicion cu nos grandinan di pasado cu
tabata prepara nan cunucu p’e binimento di e awasero den luna di juli pa nan planta nan
cunuco.

Pero awor esaki a bira cu e hendenan ta hunta tur tipo di sushi y pone na monton pa por
kima esaki, otro ta haci tur rond di nan cas limpi hunta sushedad partas di nan cas pa por
kima esaki dia 24 juni.
Nos por bisa cu tin hopi tambe cu ta gusta kima mondinan cu lo ta un peliger p’e
personanan cu por ta biba den becindario. Corda semper ora bo ta kima dia 24 di juni pa
paga bon tino con bo ta haci esaki, pasobra e por ta un problema pa bo y bo famia.

Paga bon tino riba e muchanan pa no hunga cu swafel y ni tira swafel den yerbe pasobra
esaki por kima. No sende candela serca di bo cas, no sende candela pega cu un haula di
bestia y ni banda di un cacho mara esaki ta peligroso, corda semper cu no ta permiti pa
kima sushi, pero si bo ta bay kima mester ta sushi so off loge cu bo a haci bo cunucu
limpi.
Por fabor no kima tire, no kima boter di plastic, mihor bisa no kima nada cu tin kimico,
esaki ta malo pa bo salud..