Page 40 - ECEM

Glenbert Croes: Asina MEP drenta Gobierno lo cambia
acuerdo cu CITGO

Tuesday, 28 February 2017 21:33
Comparti

“Nos kier na defensa di tur e trahadonan local y contratistanan local manda un mensahe pa Gabinete
Eman 2 y CITGO: Na Aruba tin tur e trahadonan cu e refineria mester y capaz pa haci tur e trabaonan di
rehabilitacion y operacion di e refineria”, asina Glenbert Croes, miembro di Parlamento pa fraccion di
MEP a duna di conoce siman pasa.

Hunto cu e felicitacion cu a manda pa tur e contratistanan local cu a drenta e refineria y nan trahadonan,
Glenbert Croes kier pa Gabinete Mike Eman 2 y CITGO sa cu e ta debidamente na altura di e privilegio
cu CITGO ta dunando un contratista particular cu ta diki diki liga na Gabinete Mike Eman. No solamente
CITGO ta privilegia e compania aki cu e cantidad di trahadonan cu ta drenta via e compania aki liga na
AVP pa traha pa CITGO pero alabes MEP tin indicacion di fuentenan cu a confirma cu e “rate” cu CITGO
ta paga e compania en cuestion aki ta hopi mas halto cu loke CITGO ta paga tur e otro contratistanan.
“Nos kier pa CITGO sa cu asina e Gobierno nobo di MEP sinta despues di e victoria electoral di pueblo,
cu e victoria di MEP na september proximo, cu nos lo elimina tur privilegio cu CITGO ta dunando e
compania aki. Tur trahado local y tur contratista local mester haya un oportunidad husto pa traha den e
refineria”, asina e Parlamentario a vocifera. Alabes Glenbert Croes a tuma nota di e noticia di tur e
trahadonan cu ta biniendo di afo y a wordo informa di un alianza scondi entre PDV Casa y un Ministro di
Aruba pa trece trahadonan di afo pa e proyecto di “mancamp” mientras cu pa realisa e proyecto aki tin
tur e experticio y mano de obra na Aruba mes.

“Den un forma cla y raspa nos kier notifica Gabinete Mike Eman y CITGO: Na Aruba tin tur e
trahadonan cu boso mester pa rehabilita e refineria, traha riba e mancamp y tur otro proyecto por lo cual
duna nan preferencia awor. Alabes nos no mester niun compania di exterior pa certifica nos trahadonan.
Tur e trahadonan local ta capaz y disponibel pa traha den e refineria inmediatamente”, segun Glenbert
Croes. Partido MEP ta exigi pa cuminsa contrata trahadonan local pasobra ora e Gobierno nobo di MEP
sinta, e politica nobo lo ta preferencia total pa trahadonan local y contratistanan local pa tur trabao.
Unda no tin e specialidad na Aruba por trece e experticio aki di afo. CITGO recapacita awor y corigi su
maneho corporativo pasobra September lo tin un Gobierno nobo di pueblo cu lo corigi e inhusticia aki.
http://www.24ora.com/index.php?option=com_content&view=article&id=119190:glenbert-croes-asina-
mep-drenta-gobierno-lo-cambia-acuerdo-cu-citgo&catid=1:local&Itemid=5