Page 12 - BNDIA ARUBA

a12 riba caya
Diamars 4 september 2018

Chauffeur a bolter cu auto riba rotonde

TARABANA - Dialuna marduga chauffeur masculino
den un Hyundai Getz biniendo un velocidad a subi e
rotonde di Tarabana a rancando borchi.

E auto a keda den banda memey di dos mata di kwihi. E
chauffeur tabata keha di dolornan di curpa y a keda atendi pa
personal di ambulance cu a yega na e sitio.

Chauffeur bou influencia alcohol a subi crusada

ORANJESTAD - Diadomingo durante oranan laat di
anochi polis a presenta na e crusada pabou di RCA riba
Kamerlingh Onnestraat y Hubadastraat a sosode un ac-
cidente entre dos auto.

E oficialnan a constata cu un Tercel biniendo for di Hubadas-
traat a yega subi e crusada dal contra un Toyota Yaris biniendo
for di nort. E Yaris a haya basta daño y e Tercel daño dilanti so.
Polis a pone e chauffeur di e Tercel supla y esaki a surpasa e
limite y el a keda deteni.

Altezza a ranca palo di luz y bandona sitio

SERI TIJSHI - Diadomingo anochi riba caminda di Seri Ti-
jshi un chauffeur di un Altezza shinishi a perde control di-
reccion pa San Nicolas y a baha caminda ranca e palo di luz.
E chauffeur a bay laga bumper atras riba caminda y e palo di
luz benta abou. Un persona cu a mira e incidente aki a raporta
na polis.