Page 4 - AWEMAINTA

4 AWEMainta Diahuebs, 23 Maart 2017

Temporada di ponemento di webo di tortuga a cuminsa

y e prome a tuma lugar dilanti di Amsterdam Manor

DIABIERNA 17 di maart ultimo den oranan di
mainta a tuma lugar e prome ponemento di webo di
un tortuga riba Eagle Beach na altura di Amsterdam
Manor Beach Resort, y pa casualidad e momento unico
a ser capta riba video pa un trahador di e propiedad cu
tabata presente n’e sitio. Esaki ta un momento hopi
importante den e ciclo di nos naturalesa y nos kier a
comparti esaki cu henter e comunidad di Aruba cu e
proposito di yuda concientiza tocante e epoca aki; y di
biaha resalta kico t’e codigo di conducta corecto pa cu
e bunita criaturanan aki cu ta keda bolbe tur aña n’e
caminda cu nan a nace.

Ta recomendabel p’e personanan no para dilanti di nan
y no usa flashlight ni ningun otro sorto di lus cu por
stroba e tortuganan.
Tortuganan ta timido y tin biaha ta bay sin pone e
webonan pa via cu tin hopi hende rond di nan cu por
crea interferencia.
Ora nan a traha na nido y a caba di pone nan webo, nan
mes lo bay laman bek.
Si bo topa cu algun tortuga cu ta mustra confundi dor
di e lusnan rond di dje, yama Aruba Turtle Hotline pa
asistencia na number 592 9393 mesora.

Afpakteam Aruba a tuma suma grandi di dolars den beslag

AFPAKTEAM di Aruba, cu a
cuminza traha riba prome di maart
ultimo, a tuma un suma grandi na
dolars den beslag diahuebs 16 di
maart ultimo.
Tur cos a sosode ora cu Kustwacht
a controla un barquito for di
Colombia. E capitan a resulta di
tabatin un suma grandi na dolars
hunto cune.

Bao guia di Ministerio Publico y
den cooperacion estrecho cu KPA
y Aduana, e capitan a wordo de-
teni riba sospecho di labamento di
placa. E dolars a wordo tuma den
beslag. E investigacion ta continua.
E afpakteam ta un cooperacion
entre Ministerio Publico, Cu-
erpo Policial di Aruba, Aduana
di Aruba, Fiot (Team Fiscal di
Investigacion y Persecucion) di
Departamento di Impuesto, FIOD
(Departamento Fiscal di Investiga-
cion y Persecucion), Marechaussee
(KMAR), Kustwacht Aruba, MOT
y RST. Meta ta combati criminali-
dad financiero-economico.