Page 40 - MIN ECEM NOV 25

AHATA, representa pa Vanessa Rasmussen, a informa cu e campaña aki ta uno hopi
importante, ya cu e ta yuda tur hende realisa con por yuda proteha medio ambiente di
Aruba. E Asociacion di Hoteleronan ta apoya y ta hopi contento cu e ley di prohibicion
di saconan di plastic cu a wordo aproba na inicio di aña. Pa yuda den e aspecto aki,
AHATA a ordena saconan Re-usabel cu lo ta disponibel pa tur su 93 hotel/motel
miembro. Di e forma aki no solamente nan ta promove cumplimento di e ley bou di su
miembronan pero tambe e trahadonan. Nan lo haya un di e saconan Re-usabel pa
mustra con importante nan contribucion ta pa e programa aki.

Sra. Rasmussen a bisa cu recientemente AHATA a tene su beach & coastal clean-up,
unda a participa studiantenan di diferente scol, a concentra riba areanan cu ta wordo
uza door di turistanan. A pidi nan yudansa pa cuido di medio ambiente y a duna e
bishitantenan saconan Re-usabel.Bucuti Beach Resort, un hotel cu pa hopi aña caba ta
hiba un maneho sostenibel, a wordo representa pa Tisa Lasorte. El a bisa cu nan ta
spera cu esaki no ta un situacion cu lo bay spera pa Polis bay e negoshinan y deshaci
di e saconan di plastic. E campaña aki nan ta mira como un comienso simbolico pa e
hendenan na Aruba compronde cu tur hende mester participa, y si tur hende haci un
sacrificio chikito y cambia nan custumber djis un tiki usando un tas Re-usabel, ta yuda e
isla keda mas bunita y proteha bida marino.

ATA tambe ta duna di su banda, Isha Tapias-Kock a splica. ATA tabata envolvi den e
proyecto di ley pa duna su pensamento riba dje. ATA ta preparando pa introduccion di e
ley, poniendo tur informacion relaciona cu e ley riba su plataforma internacional. E ta
algo historico, el a bisa, cu Aruba ta forma parti di algun di e poconan cu tin e ley aki.
Hendrik Croes, relacionista publico di Aruba Airport Authority, a splica cu introduccion di
e ley aki ta hiba Aruba na e siguiente era di sostenibilidad y nan no por a keda afo di un
hecho asina special. Nan lo pone notificacion riba e prohibicion di uzo di saconan di
plastic. Pero ya caba pa algun aña no ta uza saco di plastic den aeropuerto mas pero
saconan Re-usabel ora cu di haci compras. Pues nan tin algun tempo caba riba e
caminda di s