Page 44 - MIN ECEM NOV 25

Shannon Henriquez: SMAC lo haya e Permiso Generla pa
organisa Carnaval 63

Thursday, 24 November 2016 20:11
Comparti

A combersa cu Shannon Henriquez, presidente di SMAC, kende a topa cu prome minister, kende alabes
ta minister di Cultura ayera. El a splica cu e reunion a bay hopi bon.
El a gradici prome minister di por a tuma e espacio pa sinta cu SMAC. E reunion a bay en principio
tocante di nan algemene vergunning, di cual tin cu bisa cu si SMAC ta haya e vergunning pa organisa
Carnaval 63. Esaki tabata parti di e reunion di ayera y tambe por a splica e cambionan cu a bin awor cu
Henriquez ta presidente di SMAC. E tin un hunta directiva completo di 11 miembro.
A papia tambe tur loke ta e cambionan cu a bin, loke ta ruta cu conoce atrobe un cambio, orario di
actividad, tambe loke por mehora pa carnaval. SMAC tey pa traha na bienestar di Aruba su Carnaval. Por
conta cu apoyo di Gobierno di Aruba, cual ta hopi importante, pa asina por garantisa cu ta bay tin un
Carnaval 63 exitoso.
Permiso General
Segun Henriquez, e permiso general aki ta duna cu durante e temporada di Januari te cu Februari 26,
SMAC ta e fundacion cu tin di bisa si cualkier otro persona pa tin actividad durante periodo aki, nan tin
cu acerca SMAC y via di SMAC ta duna e autorisacion y stempel pa unda cu ta evalua con e schedule caba
ta di SMAC y wak si tin espacio por bin un otro evento riba e fecha cu ta desea. E ta mas tanto pa tin un
control cu carnaval ta cana netjes. Cu no ta bay haya tres evento riba e mesun anochi.
Esaki ta importante pa tin e Algemene Vergunning. A base di esaki ta bisa cu cualkier evento ta pasa via
di SMAC.
Hunto cu Stichting Musica
SMAC ta den comunicacion constantemente cu Stichting Musica, via sra. Edwina Werleman. Tur cos ta
canando manera mester ta. Por garantisa cu ta bay tin e festival di Caiso y Soca pa Carnaval 63.
SMAC no kier pa Januari habri e ora ta bay sinta na mesa. Ya caba a sinta y a yega na cierto acuerdo un
cu otro y tin di bisa cu tur cos ta cla pa nan por cuminsa. Ya eigenlijk nan a cuminsa caba cu nan
recaudacionnan di fondo, etc. Tin cuater miembro di directiva nobo cu a drenta cu ta representa
Stichting Musica y tur cos ta canando manera mester ta.
Segun Henriquez ya caba e vergunning ta aproba. SMAC tin e Algemene Vergunning dialuna den nan
man.