Page 7 - CITGO DEC 29

Minister Mike de Meza: Nos ta orguyoso di nos forsa laboral
cu experiencia den refineria

Wednesday, 28 December 2016 22:52
Comparti

Ya caba tur cos ta cla pa ranca sali cu e compania encarga cu e rehabilitacion di e planta den e refineria.

Segun minister de Meza por mira esaki tempo cu Coastal a bin, cu ta haya un EPC Company, un
compania sumamente grandi cu ta haci trabaonan durante añanan di Coastal, El Paso, Valero. Tabata tin
companianan cu a bin manera Jacobs Engineering, Foster Wheelers. Tabata tin diferente compania di
ramonan internacional renombra cu ta traha rond di mundo cu ta specialisa den rehabilitacion di
refineria of construccion di refinerianan nobo. Esakinan ta companianan sumamente grandi,
mundialmente reconoci y cu ta bay ta encarga cu e supervision di ehecucion di e trabaonan aki. Esaki lo
tuma luga awor aki. Ta mira cu den Januari esaki ta bay ta un actividad sumamente importante. Ta bay
mira hopi compania local lo wordo acerca. Tur e contratistanan pa cada un duna nan presentacion pa
nan specialisacion y lo wordo contrata debidamente basa riba nan meritonan di experiencia y safe
operations. Si tin un cos cu ta di suma importancia ta siguridad, siguridad di trabao pasobra trabaonan
den un refineria ta wordo considera como trabaonan hopi intensivo, hopi importante pa tin siguridad.
Bida di hende ta na prome luga. E ta un zware industrie. Nan ta trahando riba esaki cu tin cu cumpli cu
tur procedura di siguridad.
Tur esakinan lo acerca y sigur trahadonan local ta esunnan prome yama cu tin cu bay labora den e
refineria.
Por ta orguyoso di nos forsa laboral, di industria pisa den refineria di Aruba ta uno grandi, cu tin casi 100
aña ta labora den e ramo aki. Pesey ta haci'e sumamente interesante pa e companianan aki pa ser conoci
cu e diferente companianan local y tambe trahadonan local, segun minister Mike de Meza.