Page 37 - HOSPITAAL

hond”, segun sra. Boekhoudt a splica. E vacuna aki ta conta tanto pa mucha muhe como
mucha homber.

Den 6de klas ta un otro situacion. Ey ta haya un hangua contra HPV, e virus di pamplona,
y esaki ta conta solamente pa mucha muhe. Pero pa e vacuna aki mayornan mester duna
nan permiso por escrito.

El splica cu na aña 2008 a cuminsa cu e campaña pa e vacunacion di “update” cu ta
wordo duna na muchanan di 5de klas. El a splica cu un persona den su bida mester haya
dos vacuna contra sarampi, cacheton y “roode hond”. Antes tabata duna esaki un aña y
den 5de klas e siguiente. Pero na 2008 a cuminsa duna e di dos vacuna aki cu 4 aña,
locual ta nifica cu den klas 5 tin algun mucha, cu a nace na 2008, cu ta haya solamente un
prik. Esnan cu a nace prome cu e aña ey lo haya dos vacuna.

E campaña mes pa duna e vacuna, ta haci’e na scol y ta cuminsa me-mey di September.
Fecha precies no por duna, ya cu mester pasa tur scol pa pone e fechanan. Mayornan cu
ta desea pa nan yiu haya e vacuna den nan presencia, mester haci un palabracion pa bay
na oficina di DVG.

Na final e mucha ta haya un certificado cu el a haya su vacuna. Ta pidi mayornan pa yena
e formulario. Pone e number di telefon cu ya si tin algun pregunta por yama mayornan.
Mayornan tambe por yama libremente si nan ta duda, si e yiu a hay’e of no caba.

Tin cu bisa tambe cu tin ora tin mucha cu a drenta klas 1 y aña pasa den kleuterschool,
por ta pa un motibo, nan no a haya nan vacuna. Por ta nan a bay afo, nan tabata malo. A
bay dos tres biaha scol y no a haya nan. E muchanan ey, ainda ta haya esaki den eerste
klas. Si mayornan ta kere cu nan yiu falta vacuna, nan por yama libremente JGZ cu tin tur
dato. Si e yiu a cambia di scol, tambe nan sa. Ta p’esey ta pasa tur scol, busca lista di e
muchanan, pa nan sa cua mucha ta na e scol ainda, cua mucha a cambia di scol y cua ta e
muchanan nobo cu a drenta scol.