Page 39 - HOSPITAAL

Departamento di Salubridad Publico of ta haya e sitio unda nan por bay lesa y haya e
informacion pa nan mes.

Hopi hende ta bisa cu cierto vacuna ta duna cierto malesa. For di hopi aña pasa hende ta
cay riba e parti di autismo y vacunacion. A bin realisa cu esey tabata algo manera
fraudulento of bruhamento den comunidad y te ainda, mas cu 20 aña despues esaki ta
circulando den e cabes di hende. Ta bon hustifica cu e vacuna ta proteha contra malesa.
Si un persona ta nenga di haya vacuna, pensando cu esey ta bay evita pa su yiu haya
autismo, e no tin un hustificacion. Pasobra si el a haya e vacuna of no, e mucha por tin
chens di haya autismo. Pero si e mucha no haya vacuna sigur, e ta bay duna chens pa e
mucha haya cierto malesanan cu ta bon comproba, cu ta hopi contagioso y nan por hay’e.
Complicacion door di malesa tey. Ta malesanan basta serio cu awo hende no ta worry
mucho, door cu nan no ta ripara e malesa riba caya. Antes, hende ta mancaron a
consecuencia di polio, pero awo no mas door di uzo di vacuna. .

Si nan wak un problema na prome bista, nan ta realisa e importancia di vacuna. Awor aki
door cu nan no ta ripara esey, nan no ta kere cu ta importante. Si stop di vacuna nos
poblacion, nos lo haya e mesun complicacionnan manera antes. “Nos mester haci lo
contrario. Mester progresa pa e muchanan no bira malo. Y cu e posibilidad di eradica
malesanan. Tin cierto momento a pensa cu cierto malesanan a wordo eradica caba. Pero
p’a via di falta di vacunacion, nan ta bin bek. Ta encurasha nos poblacion pa pensa bon y
si kier proteha e yiu, no ta solamente un malesa cu tin cu bay dokter di cas, pero mester
preveni. Prevencion ta mas importante. Cu prevencion ta haya un bida mas miho pa e
muchanan y pa henter e famia,” dr. Palma a bisa,

Un hende ora e ta vacuna, no solamente pa proteha su mes, pero e ta proteha pa e resto di
comunidad. Si un persona no kier vacuna, y si cinco of seis persona no haya vacuna, e
poblacion ta keda desprotehi. E barera cu normalmente tin door di e porcentahe halto,
mas di 90% di vacunacion, e ta bay reduci. E ora ey si nos ta bay haya complicacion pa
malesa dentro di e comunidad. Esey ta e intencion di e Departamento di Salud Publico pa
encurasha e poblacion, pa por keda bon proteha y keda cu e comunidad saludabel manera
tin aworaki. Y no bay tin den situacion cu por surgi sarampi cu hasta por conduci na
complicacion y morto.

https://awemainta.com/dr-palma-vacunacion-ta-masha-importante-pa-evita-
malesanan-cu-por-afecta-henter-un-comunidad-mira-con-na-venezuela-

sarampia-a-bolbe-lanta-cabes/