Page 38 - HOSPITAAL

Dr. Palma: Vacunacion Ta Masha Importante Pa Evita

Malesanan Cu Por Afecta Henter Un Comunidad –

Mira Con Na Venezuela Sarampia A Bolbe Lanta

Cabes

 Local

 Social
- 29/08/2018

Durante e encuentro di prensa cu Departamento di Salubridad Publico, tabata presente
dokter Cesar Palma, kende ta colabora cu e seccion hubenil di Salubridad Publico.

Vacunacion di e pueblo ta masha importante, el a splica. El a mustra riba algun paisnan
den bisindario, manera pa motibo di falta di vacuna, cierto malesanan ta bolbe lanta
cabes, manera sarampi. Un poblacion cu ta bon vacuna, ta bon protegi tambe.

Por ehempel pa falta di vacunacion, na Venezuela a keda raporta recientemente rond di 3
mil caso di sarampi. Mirando e cercania di Aruba cu Venezuela, e chens di contacto ta
basta halto y consecuentemente e riesgo pa comunidad ta bira mas halto. Pero loke cu ta
protege Aruba ta cu mas cu 90 porciento di e comunidad a wordo vacuna. E intencion ta
pa sigui bo0n vacuna pa e riesgo ta menos.

Door di plamamento di demasiado informacion riba media, tin hendenan ta nenga di
ricibi vacuna. Dr. Palma ta bisa cu momento cu un persona tuma e decision pa no tuma
un vacuna, of no laga su yiu wordo vacuna, esaki mester ta bon hustifica. Un mucha bon
vacuna ta preveni cu un mucha ta haya cierto malesanan. P’esey ta pidi pa busca bon
informacion y no haci uzo di informacion cu ta bruha hende. Por busca informacion na