Page 9 - CMB

Diabierna, 17 Augustus 2018 AWEMainta 3

CBN a firma convenio cu Fundacion Lotto pa Deporte na 2009

Dunando 1.2 miyon florin pa parke di baseball na Pos Chiquito,

Cu e condicion cu dicho parke lo haya nomber di CBN Field, y te awe net nada

CANADIAN Bank Note Company
kier sa con a para cu e fondo di 1.2
miyon florin, cu nan a pone disponible
pa Fundacion Lotto pa Deporte construe
un ballpark nobo na Pos Chiquito. E
unico condicion cu Canadian Bank Note
a pone ta cu e ballpark aki lo wordo yama
Canadian Bank Note Field, of mihor
dicho, CBM Field.

Esaki ta para den un convenio cu a keda
firma dia 18 di september 2009, unda e
CBN Field aki lo ta pa organisa varios
actividad Deportivo, pero lo por organisa
weganan di exhibicion, convencion,
eventonan caritativo, hasta eventonan
religioso y politico.
Bao di e capitulo di Definition haya
derecho di promocion di Lotto na Aruba
y asina varios posibilidad mas.
Y manera menciona CBN lo haya
derecho exclusivo pa dicho parke haya
nomber riba dicho parke.
P’esaki CBN a bay di acuerdo pa paga
FLPD e suma di 1.2 miyon florin.

E acuerdo aki a ser firma dia 18 di
september pa Fundacion Lotto pa
Deporte, su Vice Presidente, Rufo Kelly,
pa miembro di Directiva Dochi Lee y pa
Director di FLPD, Jan Hendrik (Endy)
Croes y pa CBN, a firma su Presidente,
Ronald Arends, y Presidente di e Sistema
di Loteria, Craig Bascombe. Y henter e
contrato aki, a keda confirma p’e tempo
ey, Ramon Lee.

Loke ta masha yamativo cu e suma di
1.2 miyon florin di CBN a keda deposita
riba cuenta di FLPD, pero nunca FLPD a
cumpli cu e convenio.
E ballpark aki t’asina mal traha, cu ora cu
pal’i awa cay, esaki ta un piscina, unda
no por practica ningun clase di deporte.
Maske cu CBN no kier mete den politica
na Aruba, pero sigur kier sa unda e
suma di 1.2 miyon florin ta. Tin cierto
sospecho, pero nan mes no kier cuestiona
esaki.

Tur e firmamento aki a tuma lugar, net
den tempo di campana electoral, pesey
tin hopi sospechoso cu esnan cu tabata
maneha Lotto e tempo ey, lo a bay cu e
suma di 1.2 miyon florin, si a cumpli cu
CBN.
Lo ta bon pa haci pregunta riba esaki
y duna informacion unda e placa ta,
pasobra den buki di FLPD actual, ningun
caminda no tin nota di e fondo aki.