Page 13 - BNDIA ARUBA

a13
riba caya Diamars 16 Juli 2019

Accidente serio na Kibaima, impacto a benta persona riba caminda

SANTA CRUZ - Dialuna merdia riba caminda di
Kibaima poco panort di ex drive inn a sosode un acci-
dente serio entre un autobus y un auto particular.

Aki ta unda cu velocidad halto a hunga un rol caminda cu e
autobus bayendo nort a bay pasa un vehiculo y bay dal contra
un Kia Rio biniendo for di nort. E impacto fuerte a haci cu
un persona a keda saca for di e autobus y cay riba caminda.
Ambulancenan tabata na e sitio y paramediconan a brinda
asistencia na e victimanan. Polis di trafico a yega na e sitio pa
haci nan investigacion.

Dos auto accidenta na rotonde Sasaki

SASAKI - Dialuna mainta na rotonde Sasaki un jeep
safari a accidenta contra di un Yaris.
Ambos vehiculo a keda kibra y debi na e sla un persona a keda
herida. Ambulance tabata presente na e sitio y paramediconan
a brinda asistencia na e victima. Despues roadservice y polis a
keda yama pa atende cu e accidente.

Auto a bolter na

Tanki Leendert

TANKI LEENDERT - Dialuna mainta pazuid di re-
traco na Tanki Leendert e chauffeur di un kia picanto
a perde control y dal den waya cu ta sostene palo di luz
y a bolter.

Un persona a resulta herida, ambulance a acudi na e sitio y
paramediconan a brinda asistencia medico na e victima. Road-
service y polis di trafico tabata presente pa atende cu e caso.