Page 18 - BNDIA ARUBA

a18 deporte internacional
Diamars 16 Juli 2019

TOUR DE FRANCE

Van Aert ta sorprende tur sprinter den etapa 10

ALBI (Guardian/Telegraph) – Etapa 10 di
Tour de France a trece e sorpresa cu a spe-
ra mas bien di e etapanan den sero halto
cu ta bin e siman aki. Cu un biento hopi
fuerte tabatin varios coredo dilanti den
clasificacion general cu no tabata core
atento y ora e peloton a kibra den varios
pida, solamente esnan cu tabata den e
prome grupo por a spera mantene nan
posicion.

E sorpresa di dia tabata atrobe e ekipo mayori-
tariamente Hulandes Jumbo-Visma, cu a mira
su miho sprinter Dylan Groenewegen cay atras
riba un di su dianan menos bon, pero Wout Van
Aert, e hoben Belga, tres bes campeon mun-
dial den cyclocross, den su prome Tour a tuma
rienda den e kilometro final, probechando bon
di e ‘trein’ di Sunweb pa nan sprinter Michael
Matthews cu atrobe a decepciona. Van Aert a
ataca tempran, faltando 250 metro y a para un
atake di Elia Viviani y a resta algun centimetro
di bentaha pa un photofinish. E otro candida-
tonan den prome fila, Michael Matthews, Ca-
leb Ewan y Peter Sagan, no tabatin e energia
pa disputa e prome puesto, den un etapa unda
biento fuerte y velocidad halto a ‘pay off’ pa
esnan cu a sa di reserva energia miho. Esaki ta
di cuatro victoria pa Jumbo-Visma pa loke ta
mustra como e exito mas grandi pa un ekipo
Hulandes den hopi aña. Fuera di e victorianan,
Steven Kruiswijk ta na posicion 4 den clasifica-
cion general, cu bon perspectiva pa e alto mon-
taña cu ta spera e coredonan e siman aki.
Di e prome 10 clasifica coredonan manera
Jakob Fuglsang, George Bennet, Rigoberto
Uran, entre otro, a perde como un minuut y
mey of mas riba lider Alaphilippe cu si tabata
paga tino, igualmente campeon 2018 Geraint
Thomas, su compañero Egan Bernal,y Steven
Kruiswijk, cu a posiciona na cabes di e clasifi-
cacion despues di Alaphilippe. Emanuel Buch-
mann, Enric Mas, Adam Yates, Nairo Quin-
tana, Dan Martin y Thibaut Pinot ta completa
e top 10 nobo di clasificacion general. E dife-
rencia entre lider y number 10 Pinot a crece te
na 2:33.
Den clasificacion pa punto no a bin cambio;
e camiseta berde ta firme den man di Peter
Sagan. Categoria di montaña tin ainda Tim
Wellens como lider y e jersey di miho hoben ta
pa e Colombiano Egan Bernal di Team Ineos.

Dia di descanso y etapa 11 Albi - Toulouse
Awe e coredonan tin e prome dia di descanso,
mientras cu mañan tin un ultimo careda den
tereno plat prome cu e prome bataya den sero
halto ta cuminsa diahuebs. Etapa 11 ta hiba e
coredonan di Albi pa Toulouse (167 km) cu ta
bira otro oportunidad pa e sprinternan cu pro-
becha miho di nan descanso. Tin dos sero di
categoria 3 y 4 den prome parti di e trayecto,
pero den ultimo kilometronan ta baha pa cay-
anan di Toulouse pa un final completamente
den plano. Probablemente lo bin un cambio
den e strategia di ekipo Sunweb cu varios biaha
caba a pone nan trein dilanti pa Michael Mat-
thews, pero cu tambe a haci e trabao facil pa
otro candidatonan cu a sinta den nan stream-
line warda te ora nan caba di haci nan trabao y
ta laga Matthews sinta tras di su leadout man
sin e ‘punch’ necesario pa gana. Asina por mira
e contradiccion di e ekipo cu mas trabao colec-
tivo ta haci den final di careda ainda ta sin un
victoria.