Page 3 - utilities_Neat

region

Friday, 02 June 2017 10:16
Comparti

Sunrise Solar Park ta bay bira un realidad. Tabata tin e groundbreaking di un proyecto na Lago Heights,
cu antes tabata tereno di Lago, despues di Coastal, El Paso y Valero y awe ta tereno di Refineria di Aruba,
cual ta un compania estatal.

Hunto cu esey a haci e intercambio cu WEB, caminda cu nan ta haya e derecho pa pone un instalacion y
pa haci uzo di esey, segun Minister Mike de Meza. E ta bay ta un solar park mas grandi di Aruba.
Despues di aeropuerto, esey tabata esun di mas grandi, pero awo esaki lo bay ta esun di mas grandi.
Regional tambe e ta bay ta si no ta esun di mas grandi den e region, tambe e ta bay ta un di e esunnan di
mas grandi. Un proyecto hopi importante pa e agenda di energia alternativo, pa despues di esaki, e
minister ta garantisa cu pronto lo bay tin mas di e proyectonan aki cu ta bay ta por ehempel dos biaha
mas grandi cu esaki. Cada biaha ta bay haci'e mas grandi y e ta duna e conviccion tambe, e direccion cu ta
bayendo pa energia alternativo. Pa ilustra, cu algun aña atras, prijs di panelnan solar tabata sumamente
caro y tambe si mira e eficiencia y produccion kico e lo a costa pa por genera un kilowatt pa ora, tabata
basta caro. Awe e ta competi cu prijs, no solamente di coriente, cu bo ta genera door di haci uzo di fuel
oil, pero hasta ta mas barata cu esey y e ta competi tambe cu esunnan di parkenan di molina di biento. E
ta bira esun hopi atractivo pa futuro.

Mundialmente conocinan di esaki, den futuro ta solo lo bay ta e recurso di mas grandi cu ta bay wordo
uza pa genera energia. Y ta mir'e caba. E trend ta bayendo den direccion sumamente positivo. E ta algo
grandi pa Aruba. E minister ta sumamente contento. For di momento cu e gabinete Mike Eman I a sinta
y awo Mike Eman II. Esaki ta e direccion cu kier a bay den dje. Ta trahando den dje. Despues di 22 di
September, ora cu gabinete Mike Eman III sinta, lo continua cu e trabaonan aki, cu sigur sigur pueblo di
Aruba lo ta sumamente contento cun'e. E ta garantisa stabilidad den prijs, pero mas ainda, e ta bon pa
nos medio ambiente tambe.
SIWA: Trahadonan ta birando impaciente pa sa kico ta nan

futuro

Friday, 02 June 2017 10:10
Comparti