Page 4 - utilities_Neat

Erick Henriquez, presidente di sindicato SIWA, tabata tey presente na e groundbreaking di e parke solar.
El a splica cu como sindicato ta wak e parti interno.

Ta algo pafo, masha bunita, pero mester wak con WEB mes internamente ta wordo prepara pa tur e
cambionan aki. Unda e preparacion ta. Miembronan ta ancioso, wardando kico e consecuencia di e
cosnan aki tin pa nan eyden. Esey ta wardando e trahadonan y nan ta wardando e informacion, con e cos
ey ta wordo maneha cu e hendenan. Rol den desaroyo Henriquez a sigui splica cu berdad e tin e cambio
pa no haci uzo di fuel oil. E momento cu no ta uza fuel oil, ta pasobra no ta produciendo mas den WEB. E
ora unda e combersacionnan ta cuminsa, con ta bay deal cu e trahadonan. Si bo no ta produciendo
eyden, tin hende cu ta traha y nan tambe tin famia. Tin cu wak e palabracionnan, e sorto di discusionnan
aki, tin cu cuminsa yega na mesa. E trahadonan ta bira impaciente pa sa kico ta nan futuro. Tambe ta
importante pa papia riba dje. Cu ken lo sinta E ta un cos cu a papia cu e minister paar di biaha. Tin cu
bay bek riba dje mas leu, pasobra ta wak e cos aki bira mas serio. Den WEB mes ta ripara cu e relacion cu
gerencia no ta 100%. Ta ripara cu sindicato tin'e fuerte cu practicamente gerencia no ta tuma e sindicato
na serio. Esey ta bibando masha duro den directiva di SIWA. Ultimo reunion A toca e tema aki. E ultimo
dia cu tabata tin un reunion cu a toca e tema, tabata dia 22 di Mei ultimo. Door cu SIWA a insisti. Mester
a menasa pa yega na mesa. Sino no lo a yega na mesa. Y esey no ta husto segun Henriquez.

Nan no ta haya cu nan ta wordo trata seriamente. Pa por compronde, practicamente nan mester a mustra
e cabo di cuchiu pa nan por a haya gerencia na mesa y esey ta completamente fout. Gerencia mester duna
respet na e sindicato, unda cu e sindicato, cu ta respresenta e trahadonan, cu na su turno, ta haciendo
pregunta tur dia. Kico ta nan rol den tur e cosnan cu ta pasando. Kico ta nan rol y con e ta bay bira den
futuro, segun Henriquez. Modernismo SIWA ta kere den modernismo y sostenibilidad. Pero ta yega un
momento mescos cu ta kere den esey, pero nan ta kere den proyectonan unda cu WEB tin e control total.
Tin un ARROW2 ta trahando na WEB. GE ta manten'e y GE ta oper'e. Tin un toco den un toco den WEB
y e cosnan ey ta inaceptabel pa e sindicato y trahadonan. Spaar placa Ta compronde cu ta spaar placa. Ta
pone salud di pueblo den man di tercera. Ta gusta trece awa for di tur caminda, e ora e cos aki ta bira
simpel. E ta bira total. Coriente tambe ta haci'e, pero mescos cu e kabel di Colombia cu nan kier a trece
cu practicamente nan por a bay, pasobra ni pa nan nan tin Coriente eybao, ta bay tur sorto di aventura, y
e ora tin cu sinta pensa. E cosnan aki ta na mesa tin cu yega na dje. Pero si no sinta cu otro, eynan tin
problema. Kico ta pasando cu futuro Tur e storianan aki por scucha. Ta hayanan Great. Pero e
trahadonan ta impaciente. Nan kier sa con nan futuro ta y esey ta algo normal pa tur hende. Kier sa kico
e futuro ta, Henriquez a splica.
Minister Mike de Meza: Trahadonan di WEB lo mantene nan
trabao

Friday, 02 June 2017 10:10
Comparti