Page 9 - utilities_Neat

Alvin Koolman: Ta bon pa nos tur bay den energia renovabel
y energia sostenibel

Thursday, 01 June 2017 20:30
Comparti

Tin biaha Aruba a pasa den momentonan dificil na momento di mester a tuma decisionnan cu ta
importante pa e pais. Un di e decisionnan tabata na momento di a logra haya un candidato pa habri e
refineria.
Ki rumbo mester tuma? E ta un chens cu Gobierno di Aruba a bisa no mester bay perdi, pero a traha pa e
refineria (upgrader) bira mas berde posibel. Den e afan di sostenibilidad, Refineria di Aruba (RdA), cu ta
doño di e compleho petrolero na San Nicolas y tambe di e tereno, a duna tur cooperacion pa un parti
grandi di e tereno na San Nicolas, cu no ta wordo uza pa CITGO, pasa pa WEB.
Alvin Koolman, director di Refineria di Aruba, tabata presente diaranson ultimo durante e ceremonia di
groundbreaking, cu a conta cu presencia di Sir Richard Branson, Empresario y Filantropo. Koolman a
bisa cu RdA ta hopi contento y orguyoso di por a forma parti di un proyecto asina importante pa pais
Aruba. “Ora cu Valero a traspasa tur e propiedadnan pa pais Aruba, RdA a haya tur e tereno cu tabata
2
Valero. Aruba ta doño di 3.7 miyon m , cu ta inclui tur e terminalnan y areanan unda CITGO ta opera.
Pero tin hopi tereno a bira disponibel ya cu nan lo no wordo uza door di CITGO. Un parti ta wordo uza pa
e proyecto di Solar Park di WEB Aruba NV, cu RdA ta pone den lease na e compania nacional.”
Henter e desaroyo cu Aruba a pasa aden, unda cu bou liderazgo di Prome Minister Mike Eman a cuminsa
cana e caminda pa logra yega na un pais sostenibel riba diferente tereno, ta algo hopi positivo, Koolman a
bisa. El a recorda cu tempo cu el a bandona Aruba na aña 2006, WEB tabata uza casi 7 mil bari di ‘heavy
fuel oil’ diariamente pa produccion di awa y coriente. “Ora cu mi a bolbe aña pasa mi a bisa ‘waw’, el a
baha te na 3500 bari pa da, cu ta un reduccion di 50% den 10 aña di tempo. Esaki a wordo logra no
solamente door di pone mashinnan mas eficiente na WEB, pero tambe e Molinanan di Biento y Solar
Parknan manera esaki lo sigui reduci e uzo di ‘heavy fuel oil’. Esaki ta importante pasobra prijs di fuel ta
varia, pero solo ta subi y baha y su prijs no ta subi,” e CEO di RDA a bisa.
E presencia di e refineria, Koolman a bisa, por mustra conflictivo, mirando cu nan ta den e area di fossil
fuel, pa Aruba “ta bon pa nos tur bay den energia renovabel y energia sostenibel. Nos ta un stakeholder y
‘supporter’ den desaroyo den e area aki,” Koolman a duna di conoce.
WEB Aruba NV ta spera di por inaugura Sunrise Solar Park pa final di 2017, unda cu ta produci 5.9 MW
di coriente uzando solo como fuente energetico.