Page 5 - utilities_Neat

Tin preocupacion cerca e trahadonan di WEB, caminda cu e sindicato ta sinti cu nan no ta haya oido pa
haya sa kico ta e garantia di trabao pa e trahadonan, cu awo ta paden ta produciendo awa y coriente.

Segun Minister Mike de Meza, e trahadonan tin garantia total. Gobierno, como doño di e companianan
di utilidad, ta para 100% tras di e trahadonan y e trahadonan lo mantene nan trabao. Ta hopi trabao ta
bin acerca. E posicion di nan ta keda garantisa. Esey ta sigur. Uzando energia alternativo, no lo bira
peliger pa e trahadonan. Ta hacie den un combinacion. Mester di sistemanan di backup, cu ta keda pa
basta aña nos dilanti y lo tin constantemente un mix tambe. Na cierto momento ta bay mira cu ta keda
optimalisa e 100% cu ta uzando. Keto bay ta bay mira cu bo ta bay tin toch e backup cu bo mester y ora
cu bo bay produci awa, bo mester tur e trahadonan.

Ta bay mester, si wak bon, no solamente e trahadonan cu ta haci e trabaonan den e sistemanan
convencional, pero e sistemanan moderno aki, tur caminda rond mundo ta mira no a kita trahado. El a
crea oportunidad di trabao adicional, segun Minister de Meza. Sinta cu sindicato Ta na su luga pa sinta
cu sindicato. Na momento cu SIWA tin e necesidad, Gobierno ta sinta cu nan na mesa, combersa, discuti,
delibera, tambe dialoga. Esey semper tey. Gobierno ta kere den e companianan di utilidad, den nan
profesionalismo y derecho di existente di tur e posicionnan di e companianan di utilidad, segun minister
de Meza.