Page 12 - WEB

Algo hopi serio a pasa na Aruba, cu no solamente riba tereno financiero y economico ta
wordo afecta. E imagen di Aruba, cu tabata parti di exito di e pais den tur su accionnan
internacional, ta wordo afecta.

Den nos analisis nos no ta bay tras di loke hende bisa. Semper cu prueba nos a analisa
desaroyonan cu tin efecto pa Aruba y awe ta rementa.

Citgo tabata un proyecto cu a nace den un secresia completamente contra ley, contra

tur advertencia local y internacional y cu preguntanan serio.

Na prome luga tanto na nivel local como na plataforma internacional a cuestiona e
momento y e hecho cu gobierno Mike Eman a bay busca Nicolas Maduro pa trece un

proyecto cu mester a realisa magia economico pa Aruba.

Na un momento cu Venezuela tabata basha abou y Nicolas Maduro a uza Citgo como
borg pa e haya placa pa gasta, Gobierno Mike Eman a bay yega na un acuerdo pa

Venezuela bin habri un refineria na Aruba.

Nicolas Maduro cu no tabata tin placa ni pa su mes, mester a pone e prome 300 Miyon
di e Un Biyon riba mesa y tur agencia grandi di noticia rond mundo, a cuestiona Aruba

y gobernacion di Aruba.

Aruba den noticia internacional a bira parti di e “Aventura di PDVSA” manera for di
2016 tabata cualifica e partner cu gobierno Mike Eman a introduci pa habri e refineria

bieu di Lago.

Leynan di Aruba a wordo kibra pa na forma ilegal, contra leynan di Aruba, gobierno
Eman sin mandato di Parlamento, a mara Aruba na Citgo cu responsabilidad grandi.

Rapportnan oficial ta cuestiona loke a pasa mientras Departamento di Husticia na Merca
tabata investiga casonan criminal cu tabata tuma luga den Citgo, neishi di e
organisacion di Nicolas Maduro.

Ladronicia, labamento di placa, hasta droga ta wordo menciona como crimen den
casonan cu Huesnan na Merca a atende y ta sigui atende. Citgo mes ta parti di
investigacion di Departamento di Husticia.