Page 13 - WEB

Pueblo di Aruba a stop di baila. E rapportnan di Banco Central no ta menciona Citgo
mas ni pa incertidumbre. Presupuesto di Aruba, cu Algemene Rekenkamer Aruba ta
controla pa Parlamento, a scrap e proyecto cu mester a basha placa pa Aruba y a haya
aceptacion den pueblo pa motibo di placa cu Aruba lo a haya. A base di e futuro nobo,

gobierno Eman a mara Aruba contra ley na gastonan. Rapportnan oficial ta cuestiona e
forma cu placa ta circula. Relatonan oficial ta mustra riba e secresia ilegal cu a wordo
practica pa ni miembronan di Parlamento haya informacion cu pueblo tin derecho di
ricibi.

Awe Citgo ta spart for di otro y ta DIARIO ta haya tur prueba cu e tabata tin rason pa a
pidi investigacion di loke a pasa.

Democracia ta exigi claridad den e cortina di huma cu a wordo crea pa introduci un
proyecto cu mester a produci placa y mas placa pero a destrui financia, economia y e
sentido di integridad cerca pueblo.

Den secresia un historia di berguensa pa nos orden di ley a wordo skirbi y awe Aruba
mester haya un contesta pa loke lo afecta generacionnan di Aruba y balornan hancra
den nos mentalidad sano!

https://www.diario.aw/2019/09/e-secresia-di-un-cortina-di-huma-cu-a-trapa-riba-ley/