Page 12 - BNDIA ARUBA

a12 riba caya
Dialuna 5 november 2018

Homber a wordo maltrata na Dadelstraat

TARABANA - Diadomingo durante oranan di mardu-
ga polis a presenta na un cas situa na Dadelstraat na
Tarabana pa un homber cu a keda agredi pa otro per-
sona.
Na e sitio e oficialnan a topa cu un recidivista cu algun cor-
ta na su curpa, despues di a confronta problema cu un otro
persona. E homber a duna su declaracion na autoridad y rato
despues ambulance a presenta y paramediconan a brinda asis-
tencia na e victima.

Mayornan cu mucha di 1

aña riba caya marduga

ORANJESTAD - Diasabra marduga polisnan encarga
cu e control rond di e concierto, a presenta na e par-
keerplaats di Certified na unda persona lo a mira un
criatura den auto.

E oficialnan a topa di berdad cu un tata cu un mucha di por lo
menos 1 aña cu ne den e auto pafo di e club nocturno cu tin
banda di certified, y e mama a presenta tambe na e sitio, polis
a hala atencion di ambos partido cu e situacion aki.

Bus a laga bario sin coriente

PONTON - Diasabra anochi habitantenan di Ponton
pa Caya Brusca na Hato a keda sin coriente pa un rato.
Ciudadano atento a mira manera cu e coriente a bay a tuma
nota pafo cu ta un bus tabata pasando y lo por ta causa di esaki.
Tanto polis como Elmar a acudi na e sitio, personal di Elmar
a constata e waya di coriente cu ta core di e cas pa palo di luz
ranca, pero no ta topa cu ningun daño na e palo di luznan.
Personal di Elmar a logra soluciona esaki mas pronto posibel.