Page 15 - BNDIA ARUBA

A15
HENDE Dialuna 5 november 2018

Studiantenan a organisa caminata dedica na Fundacion Respetami

ORANJESTAD - E siman cu a pasa e studiantenan
Darinella Geerman y Bryan de Cuba a tene un cami-
nata dedica na Fundacion Respetami.

Fundacion Respetami ta traha na fabor di tur mucha cu pasa
den situacion duro den nan bida y cu demas problemanan
social. Mayornan presente na e caminata a cana e ruta y banda
di nan tawata tin nan yiunan riba bicicleta.
E caminata a sali for di Wilhelmina park bay direccion di
Brandweer y a termina na Wilhelmina park. E studiantenan ta
den nan ultimo aña di EPI unidad economia direccion sec-
retaria.

E atardi a ser anima pa Addonsito Croes. E organisadonan ta
sumamente agradecido na tur esunnan cu a contribui na haci
e caminata exitoso. “Danki na tur maestro, Prensa di Aruba,
Rode Kruis Aruba y IBIZA. Tambe Magic 96.5fm, Fruteria
Virgilio, Subway, Twenty2 Gelato, Andina Ice, Starbucks, Li-
onel Vrolijk, Addonsito Croes y cada participante.”