Page 12 - ARUBA BANK

Banda di e preparacionnan aki pa loke ta trata e belasting di 2019, tin tambe awor aki ta

andando cu Departamento di Impuesto a caba di saca e naheffingsaanslag di

motorrijtuigbelasting di 2018.

Clientenan cu no a haci pago pa e belasting di e aña aki, lo ta hayando den e dianan aki

un carta, cu ta contene e naheffingsaanslag aki. E ta un cobrans adicional, loke cu

Departamento di Impuesto a bin ta papiando di dje caba.

Ta un tipo di cobransa pa impuesto pa vehiculo di motor, ta nobo. Pero naheffingsaanslag

riba su mes no ta algo nobo. E ta existi den e sistema di belasting, solamente cu e no

tabata posibel pa impuesto pa vehiculo di motor.

E parti aki, segun Meverly Romano, vocero di Departamento di Impuesto, e ley di
impuesto di vehiculo di motor a conoce cierto cambionan na December 2016.

E cambionan aki a drenta na vigor na Januari 2017. Na 2017 caba, e ora eynan, un di e

cambionan tabata cu Departamento di Impuesto ta haya e autoridad pa por saca

cobransanan adicional den caso di incumplimento. A base di esey, e ora eynan a mantene
e aña 2017 toch como un aña transitorio. A bin ta informando clientenan si cu e

posibilidad eynan tey pa no pospone e pago y warda te na ultimo pasobra despues e debe

ta keda acumula.

Awor aki, pa 2018, na cuminsamento di aña caba, Departamento di Impuesto tabata

informa e clientenan, cu si acaso nan no haci e pago, dado momento ta bay causa cu nan

ta bay haya un naheffingsaanslag.

A laga e prome mita di aña pasa pa wak si toch e clientenan ta haya poco mas espacio pa

nan por cumpli cu nan pago.