Page 13 - ARUBA BANK

Despues a bin e di dos periodo, e di dos mita di aña caminda cu e ultimo fecha pa paga e

belasting tabata dia 31 di Juli. Awor aki ta na October y a yega e momento cu a draai e

cobransanan aki.

E ta asina leu cu diabierna siman pasa a manda e cobransanan post. Ta un total di 17 mil

cobransa. E clientenan cu ta den incumplimento pa loke ta 2018, na e momentonan aki lo

ta ricibiendo e carta eynan cu ta indica cu nan tin un debe cu nan mester cumpli cun’e. E

cobransa ta indica tambe e periodo cu ta cobrando.

Si un cliente no a haci pago di e prome mita di aña, logicamente e no a paga e di dos mita

tampoco. Den un caso asina, e cliente ey ta haya dos cobransa. Uno pa e periodo di

Januari te cu Juni y e otro pa e periodo di Juli te cu December.

E cobransanan aki tin un fecha oficial y e fecha ta dia 18 di October. Normalmente ley ta

duna riba un naheffingsaanslag e periodo di 1 luna pa haci e pago, pero debi cu e periodo

pa haci obhecion ta dos luna, a dicidi di mantene dos luna pa loke ta trata e pago.

E fecha final pa haci e pago di e naheffingsaanslag ta bira dia 19 di December 2018.

Despues di dia 19 di December, si ainda e cliente no a haci pago e ora e proceso di

cobramento cu forsa di ley ta start.

Loke cu Departamento di Impuesto ta conseha su clientenan, cu esaki ta un cobransa cu

no tabata tin mester di a sali, si acaso e cliente a cumpli cu su debernan.

Ora cu un persona tin un vehiculo di motor, e ta trece cierto responsabilidadnan cun’e.
Un di e responsabilidadnan ta tambe pa paga e belasting concerni.