Page 14 - ARUBA BANK

Den e caso aki, si e belasting no a wordo paga, e suma cu no a wordo paga ta wordo

indica tambe riba e cobransa y riba dje, a inclui un boet di 50%. Tambe e costonan di e

sticker, cu por ta 3 florin of 6 florin, depende con e cliente su pagonan ta.

Un cliente cu no a paga por ehempel riba un plachi personalisa cu normalmente ta paga

600 florin pa aña, e ora ey ta haya un suma di belasting pa paga di 600 florin, plus e 50%

di boet, cu ta 300 florin, e ta bay haya e ora un cobransa di 900 florin, plus 6 florin di e

stickernan, cual ta bira 906. Esey ta loke e clientenan lo haya skirbi riba nan

naheffingsaanslag, riba e cobransa.

Riba e cobransa ta menciona tambe pakico e boet a wordo poni. Den e caso aki, pasobra e

pago no a drenta. Claro cu den tur cobransa formal di belasting e cliente tin derecho

tambe y un di su derechonan ta, cu e por haci uso di su derecho di obhecion y pa esey, si

e ta bisa cu no, e cobransa no ta hustifica of algo no ta cuadra riba dje, claro e ta entrega

un carta di obhecion. E ta haci esaki dentro di dos luna, despues di e dagtekening.

Esey ta nifica cu pa e carta di obhecion, no mag di drenta mas laat cu dia 19 di

December. E ora eynan, den un caso asina, e inspector di impuesto ta bay evalua e caso.

E ta bay wak kico ta e motibonan cu e cliente ta duna pakico e no ta di acuerdo cu e

cobransa y asina e ta yega na un conclusion despues y ta dicidi si e cobransa ta keda

mesun cos of e ta baha e suma.

Tur esey ta posibel. Esaki ta un cobransa oficial. Naturalmente un naheffingsaanslag no

ta algo nobo den sistema di belasting, pero pa motorrijtuigbelasting si, e ta nobo.

https://24ora.com/corda-paga-bo-plachi-di-number-sino-bo-por-haya-bo-mes-

den-problema/