Page 23 - AHATA
P. 23
Avion di Southwest for di Aruba a haci
aterizahe di emergencia
Posted on 08/1/2018 1:02 pm AST | Updated on 08/1/2018 1:05 pm AST
BALTIMORE – Un avion di Southwest Airlines cu diamars ultimo a sali 3:25pm di
Aruba, a haci un aterizahe di emergencia na Baltimore e anochi ey. E capitan a
raporta problema cu e flaps di e avion. Un total di 130 pasahero y 5 miembro di
tripulacion a baha despues, sin problema, acompaña pa un cantidad di truck di
bombero anochi 8:50pm.
EXPERIENCIA
Un pasahero abordo, Neysa Condron, tabata bolbe di un vakantie cu su dos yiu muher ora
cu e y otro pasaheronan a realiza cu e avion tabata dal buelta pa 20 minuut, prome cu nan
a aterizahe cu tabata planea pa 8’or di anochi. “E piloto a bin bisa nos cu tabatin un
problema” Condron a informa e portal di noticia Mericano Baltimore Sun. “E flaps di
hala no kier sali. Nos ta den contacto cu e personal na tera. Nos ta purbando di averigua
kico pa haci”, e piloto a sigui bisa. Despues di 40 minuut, e piloto a bisa e pasaheronan
cu e lo ta un aterizahe duro, pasobra e flaps lo no por ‘slow down’ e velocidad di e avion.
