Page 28 - AHATA

con e pueblo di Aruba tambe tin cu beneficia di nos turismo y con nan ta sinti nan
bienestar general den esaki.

Esaki ta confirma tambe locual cu partido AVP den Gobeirno tambe a haci, den e sentido
cu por wak cu tabatin dos banda caminda un a scoge cu e parti di economia ta sumamente
importante y for di cual por conclui cu Aruba su economia ta draai riba turismo y tur
negoshi cu ta habri y turismo ta interconecta cu otro.
Esey tin di haber cu trabou, e parti laboral, kico t’e beneficionan, pero tambe e parti
caminda cu partido AVP semper a enfoca riba dje, cu tabata e parti caminda pueblo di
Aruba tambe tin cu beneficia di e nos turismo.

Entro otro por mira e parti di Linear Park cu e bienestar social caminda por tuma nota cu
famianan ta haci uzo di dje mescos cu nos beachnan, por pasa tempo hunto y ta loke cu
partido AVP semper a considera importante, esta cu e desaroyo economico mester
beneficia tambe e aspecto social.
Igualmente den barionan, con nos ta biba cu otro y upgrading di e infrastructura.
Esaki ta confirma tambe e ‘twee sporen beleid’ tanto pa tene bon consideracion cu e parti
social, bienestar di nos pueblo, hunto cu e parti economico.
Si nos wak e parti di acomodacion di e boletin den luna di juni, por mira diferente cifra y
un di nan sigur ta remarcabel cu t’e aumento di personanan cu ta kedando n’e ‘lowrise
hotels’ cu a aumenta cu 11.9% y tambe ‘other accomodations’ tambe cu 10% cu ta un
aumento significante compara cu otro porcentahenan di unda nan ta hospedando.

Pues aki por ripara cu e tipo di turistanan cu ta yegando Aruba, tambe ta exigi mas
desaroyo, no solamente den a parti di ‘highrise hotels’, pero tambe den e parti di ‘lowrise
hotels,’ cu ta mas den centro di ciudad.
Si nos wak e otro aspecto presenta den e boletin, cu t’e sentimento di turistanan, kico nan
mes ta experiencia na Aruba, nos a score bon, pero si wak un punto cu nan a remarca na
luna di juni 2018, caminda na luna di juni ainda nos no a conoce e aumento di impuesto
di parti di Gobierno, asina mes 23% di turistanan, kendenan a wordo entrevista, tin
remarkenan cu a resalta na varios ocasion cu turistanan a bisa literalmente, cu “e unico
cos cu nos no a gusta di Aruba, ta cu tur cos ta masha caro mes.”

Otro a bisa cu “tur cos ta caro,” y asina por sigui wak mas comentarionan tipo di
ramarkenan cu a wordo duna nos mester tuma na consideracion e pensamentonan aki di
turistanan cu ta bishita nos isla.
Ya cu na momento cu nan ta bisa cu nos ta cobrando hopi pa un servicio, mester percura
e ora pa e producto ta na nivel di e placa cu nan ta pagando, esta e calidad mester tin e
balor cu nan ta ricibi ‘value for their money’.
Mescos cu por bisa pa pueblo di Aruba en general cu a haña un aumento di impuesto cu
ta cumulativo sin un reforma fiscal.
Pues ta pagando hopi na caha di Gobierno pa efecto supuestamente ‘trickle down’ back