Page 27 - AHATA

Parlamentario Jennifer Arends Reyes: Mester Brinda

Turista Y Pueblo E Servicio Y Facilidadnan Cu Ta

Hustifica Aruba Como ‘One Expensive Island’

 Featured

 Politica
- 01/08/2018

Segun sra Arends-Reyes di fraccion di AVP, Parlamento a ricibi diferente documento
digital y ora cu repasa diferente di esaki, tin diferente informacion cu ta valioso pa
comunidad por ta na altura di tur desaroyo tambe den e industria turistico di nos isla.
Parlamentario Jennifer Arends-Reyes di AVP ta mustra cu si por wak p.e. e parti di ATA,
cu a entrega hunto cu AHATA e boletin mensual di juni 2018, tin un parti caminda nan a
haci un analisis bou e titular “Local Sentiment Analysis” cu ta locual cu nan ta puntra
localnan despues di un temporada, p’asina por midi kico t’e sentimento di hendenan local
y tambe separa un di turistanan cu ta bishita nos isla.

“Si nos wak p.e. e parti di nos hendenan local cu a wordo presenta den e boletin, e punto
principal cu t’esun general, si compara esaki c’un grafico cu ta data di 2005, por mira cu
e parti di economia t’esun mas importante caminda esaki ta 52% mas cu e parti social, cu
t’e bienestar social, cu ta 48%.
Na aña 2018 por mira un cambio caminda 40% e pueblo di Aruba ta bisa cu e parti di
economia ta sumamente importante, pero por observa tambe cu tin mas conscientisacion