Page 28 - ATA

A17
HENDE Diasabra 25 Mei 2019

Varios bishitante reconoci pa nan lealtad

ORANJESTAD – Recientemente, Marouska Heyliger,
Visitor Care Liaison di ATA, a haci entrega di recon-
ocemento di Goodwill Ambassador na varios turista
Mericano, kende a demostra nan lealtad pa nos isla
door di bishita Aruba mas di 20 biaha consecutivo.
E certificado di Goodwill Ambassador ta wordo presenta nan
turistanan cu ta bishita nos isla pa 20 biaha consecutivo of
mas.
Thomas y Judy Iwankow di New York a ricibi e certificado
den nomber di Aruba Tourism Authority. E evento cu a con-
memora nan di 20 bishita na nos isla a wordo celebra na Mar-
riott Ocean Club Resort. E Iwankows a bisa cu nan ta stima
bin nos isla pa su hende amigabel, bon weer, y atmosfera hopi
realaha.
Dianne y Patrick Murgolo di Florida a ricibi e honor pa nan di
31 bishita consecutivo pa nos isla. E ceremonia a tuma luga na
Playa Linda Beach Resort. Segun e pareha, nan stima aruba pa
su hende amabel, clima perfecto, y delicioso restaurant.
Finalmente, Phil y Laurie Naud di Michigan a ricibi nan cer-
tificado conmemorando nan di 20 bishita consecutivo na nos
isla. E ceremonia a tuma luga na Caribbean Palm Village. Sr.
y sra. Naud ta encanta cu Aruba pa e solo, e playanan, y su
hende caluroso.