Page 55 - HOH

Sindicato ABV: “Hospital por ta

bunita di leu pero di serca e ta un

desaster”

1 October, 2019

Trahadonan di Hospital a sali pafor un biaha mas pa demostra nan malcontento
y esaki ta bira e di tantisimo biaha cu nan ta sali pafor y en realidad mester bisa
cu nada no ta sosode y despues di un rato nan ta drenta paden bek y cosnan ta
sigui normal. Pero despues di un par di dia atrobe nan ta sali pafor pasobra e
mesun problemanan ta sigui presenta nan mes. Sigur un di e motibonan pa nan
malcontento ta e famoso “Boiler” cu tin den e edificio cu ta saca holor di Diesel
y esaki ta afecta e trabao di e trahadonan y mas ainda di e patientnan tambe.
Un biaha mas e holor aki ta causa cu e trahadonan a sali pafor y nos ta kere cu
tanten cu no bin cu un solucion pa cu esaki, e situacion di pone trabao abao, re-
anuda trabao, pone trabao abao, re-anuda trabao serca e trahadonan lo sigui.