Page 56 - HOH

Director di Hospital a tuma nota di e manifestacion di e trahadonan y den poco
palabra a bisa cu e ta bastante cauteloso den kico e lo declara referente e
situacion aki y alavez el a mustra cu e tin su propio opinion pero kizas su
opinion no ta importante den e momentonan ey. Aunke si el a bisa cu den su
opinion e “boiler” ta stroba. Pa loke ta con leu e situacion ta pa yega na un
solucion, e director di HOH a bisa cu e no sa con leu cos ta pero hecho ta cu e
partidonan ta combersando y cos ta bayendo bon pero ainda falta hopi pa yega
na un solucion definitivo. en mesun rosea e director a mustra cu su deseo ta pa
no tin interupcion den e cuido cu Hospital mester duna nan su patientnan y mas
ainda e hecho cu Hospital no ta e contratista pero toch ta haya hopi problema y
strobacion debi na esaki pa cual kier haya un solucion. E director a sigui bisa cu
su speranza ta cu Minister di Salubridad por tuma e situacion aki den su
mannan pasobra manera e cosnan ta bayendo, e no ta bon. Nos a combersa
tambe cu presidente di sindicato di trahadonan di hospital Sr. Gina Maduro
kende a duna di conoce cu den oranan di mainta a tene un reunion cu su
miembronan y despues di esaki a dicidi pa tene un “walk out” pa un biaha mas
demostra nan malcontento cu e construccion ya cu ultimo tempo ta hopi ta e
problemanan cu nan ta pasando aden. Sra. Maduro a bisa cu e miembronan ta
hopi cansa y fada di e situacion aki pasobra continuamente mester para e
servicionan y pa loke ta e departamento di Radiologie practicamente ta stagna y
casi tur dia tin e mesun problemanan cu nan no por funciona y patientnan cu tin
afspraak ta wordo cancela. E problemanan structural, problema di holor di
Diesel, problema cu e famoso “boiler” cu nan no kier saca afor. E presidente di
ABV a declara cu nan a pidi SOGA pa saca e “boiler” aki pafor y mas bien no a
manda nan hinca esaki den e edificio apesar di e rapport negativo di DTI y
Brandweer y toch a dicidi pa hinca e “boiler” aki den e edificio y cada bes cu
start esaki e holor di Diesel ta invadi e lugar. E trahadonan a mustra bon cla cu
nan no kier soporta mas holor di Diesel, e trahadonan ta tur “gestik cu e holor
aki y hasta a pidi Sr. Frendsel Giel di AIB y Sr. Hudson di SOGA pa busca un
solucion y hasta e personanan aki a bisa cu e “boiler” aki no ta crea un
problema, wel e trahadonan ta manda un mensahe bon cla y ta reta e
personanan aki pa ben den edificio di Hospital, pasobra e “boiler” no ta hinca
den cas di e personnan aki, sino den e edificio caminda e trahadonan mester
traha y mas bien ta e trahadonan ta inhala e holo di Diesel y enfaticamente ta
bisa SOGA pa saca e “boiler” aki afor. Cu e ta csta 800 mil Florin pa wordo saca
afor “So Be It” e trahadonan ta exigi pa esaki wordo saca. E presidente di
sindicato di trahadonan di Hospital a mustra cu nan no por bai protesta dilanti
Bestuurskantoor pasobra nan ta semper “on call” ya cu ora presenta cualkier
emergencia nan mester tey y vooral ora tin inundacionnan di awa nan mester
tey presente na e edificio nobo, pa nan mop y seca p’asina e patient no wordo
perhudica pa cu e situacion fastioso cu tin. “Tin un team cu ta 24 ora on call pa
ora tin inundacionnan, nan mester tey presente pa mop y hala awa y seca y
esaki lamentablemente a para bira e trabao di enfermero y enfermeranan
actualmente. Esaki no ta nos trabao, pero esaki ta loke nos ta pasando aden na
e momentonan aki”, asina Sr. Maduro di sindicato a declara. Sr. Maduro a sigui
bisa cu apesar cu tin trahadonan para pafo, nan ta un sindicato semper