Page 57 - HOH

responsabel, y e patientnan cu mester haya atencion ta wordo atendi paden
manera cu no tin ningun problema y apesar cu tin hopi hende cu a “walk out”
esey no kiermen cu e departamento ta bashi. E “walk out” aki tabata pa 1 ora y
un carta lo bai wordo dirigi na tanto SOGA y tambe cu peticion na Minister di
Salubridad. Sr. Dangui Oduber, pa saca e “boiler” afor y bin cu solucionnan mas
lihe posibel pasobra no por sigui traha den situacion asina’ki. T’asina cu
sindicato ta duna un siman di tempo pa nan logra contesta riba e carta aki y
tambe pa trece solucionnan pero si no mira reaccion y tampoco resultado, e
sindicato lo bai aumento su accionnan. Sr. Maduro a sigui bisa cu e mester
culpa Hospital tambe den tur e situacion aki pasobra si Hospital a para banda di
e sindicato y e trahadonan for di prome dia e escenario lo ta diferente pasobra
for di tempo cu a drenta den e edificio nobo ni un luna caba tabatin inundacion
den gips kamer, cardio afdeling y otronan pues no ta prome tubo cu e rementa
den hospital y causa inundacionnan. Di prome dia caba cosnan tabata kibra
pasobra nan tabata wordo traha di mal calidad y e hospital aki ta mustra bunita
di leu pero ora bo yega serca e ta un desaster. Hopi cosnan ta kibra na caminda
y pio ta cu no a caba cu e proyecto y ya cosnan ta kibra caba. E presidente di
sindicato a sigui bisa cu nan ta culpa e doño di edificio, cu den e caso aki ta
SOGA, pasobra ta mescos cu ta huur un lugar pero awo kier tira culpa riba
Hospital, pero den mesun rosea e sindicalista ta bisa di ta culoa Hospital tambe
pasobra tempo cu sindicato a para pa mustra tur e desaster cu tin y cu lo bai
tin, hospital no a scucha y no kier a para banda di sindicato y su miembronan.
Mientras cu e tempo ey tabatin intimidacionnan e trahadonan mester a keda
keto pasobra sino ta wordo tilda di e ta contra e proyecto, ta mucho negativo
pues esey tabata e problema pero awor aki Hospital ta manera “Titanic”: “E ta
den sink”. Tabata palabranan di presidente di Sindicato ABV.