Page 2 - AM190821
P. 2
2 AWEMainta Diaranson, 21 augustus 2019
WEB renobando e “Pipe Bridge” na Spaans Lagoen
E renobacion di e ‘Pipe Bridge’ na Spaans Lagoen ta
canando segun plan. E brug aki ta un cargado impor-
tante di diferente kabel y tuberia pa suministro di
combustibel y awa pa y di WEB Aruba N.V..
Personanan cu ta pasa riba ‘brug bieu’ y tambe esnan
cu ta bay Palm Island, por observa cu trabou di con-
struccion ta tumando lugar tur dia.
E ‘boomnan’ cu ta drief den e awa rondona di e Pipe
Bridge tey pa preveni cu combustibel ta plama den
lama en caso algo bay robes durante e trabounan.
Companianan experto, contrata pa WEB, ta haya bon
guia di instancianan di Gobierno y tin e permitnan
necesario pa kita mata, solamente si esaki ta necesa-
rio pa por yega n’e Pipe Bridge y asina mes lo kita lo
minimo.
WEB ta hopi consciente cu e Pipe Bridge ta den un
area cu ta forma parti di Aruba su reserva natural.
Aparte di a tuma mas tanto precaucion posibel, ta
haci e maximo esfuerso pa limita e impacto riba flora
y fauna den e area di Spaans Lagoen.
Cu esaki kier mitiga e riesgonan cual e trabounan di
e renobacion di e brug ta trece cun’e. Ta enfoca pa
mantene tur instancia di Gobierno concerni na altura
di cada paso cu WEB ta tuma pa cu e proyecto aki.
Despues di 50 aña e brug mester di un renobacion
p’asina por keda cumpli cu su funcion.
