Page 7 - AM190821

Diaranson, 21 augustus 2019 AWEMainta 7

Boto cu ilegal ta sigui yega Aruba

Ayera madruga un

boto a drenta na

Arashi unda Polis

a logra detene 3

DIAMARS madruga pasa di mey anochi

boto a drenta na Arashi y baha hendenan

ilegal. Guardacosta a capta e contacto riba
radar y ora cu nan a sali a topa cu e boto

riba lama bayendo zuid bek. A bati alarma

na Polis y mesora Polis a mobilisa.

E patruyanan a yega mesora pa cuminsa un

buskeda. Despues tambe a logra saca heli-

copter cu tabata bula buscando. E Polisnan

riba caya t’esnan cu a logra haya e ilegal-
nan. E lus di e helicopter ta hopi zwak p’e

tipo di buskedanan aki.

Asina mes a keda bula rond, pero no a yuda

masha den anochi. Mas bien e habitantenan
tabata keha cu nan no por sosega.

Polis a keda basta ora cu nan buskeda bus-

cando e ilegalnan. Riba lama Guardacosta a
haya e boto y a detene e capitan y tambe su

ayudante. Na tera Polis a haya tres ilegal.

A hiba tur Warda di Polis y despues a keda

di hibanan na Warda nos Costa. E capitan
y su ayudante si lo keda cera pa mensen

handel y mensen smokkel.

Nan lo pasa e proceso di interogacion y

mester presenta dilanti Huez. Loke no por
a confirma ta cuanto hende total a drenta y

kico mas nan por a drenta cune.

Si a bin droga cu arma no ta conoci. Un boto
asina no ta trece solamente tres pasahero

den forma ilegal.