Page 15 - AWM14JAN2017

AWEMainta Diasabra, 14 Januari 2017 15

Aparte di boet mionario....

Parlamentario di Sint

Maarten condená na

castigu di prison

PHILIPSBURG – Diahuebs ultimo, Corte di Husticia di nos pais a
condená e Parlamentario Silvio Matser di Partido United St. Maarten Party
na un castigo di 22 luna di prison di cual 18 ta condicional y 3 aña di periodo
di prueba. Corte a condené pa evasion di belasting.

For di januari 2006 te cu òctober 2010 Silvio Matser a bin ta evadi pago
di belasting sistematicamente.
Banda di esaki e tin cu paga un boet di NAf. 150,000 of bay será un
aña, mientras cu su compania a haña un boet di NAf. 3,495,300.
E tribunal a tuma Sivlio Matser masha na malo cu el a sirbi su
interes personal riba interes general dor di engañá e sistema
di belasting.
Na su fabor tabata cu den pasado e no a hañ’é den problema
cu husticia.

Den promé instancia e boet cu Matser su compania
lo mester a paga tabata mas halto, pero e castigo di
prison tabata igual.
Silvio Matser a haña un descuento riba su castigo,
pasobra Husticia a tarda masha pa atendé su caso.
E Parlamentario di 50 aña a gaña riba su formu-
larionan di belasting sistematicamente y no a paga
turnover Tax.
Un di e motibonan cu a condená Silvio Matser na
castigo ta pasobra e no a paga OB riba un suma di
NAf. 8,451,960 siendo e pais tabatin mester di delas-
ter sèn cu publico debe.

Chauffeur

iresponsabel treciendo

trafico na peliger

DEN oranan di anochi, un chauffeur tabata mane-
hando su Chevrolet Spark A-32620 di un forma
completamente iresponsabel, treciendo trafico na
peliger.

Den un ocasion, el a dal contra un otro auto y sigui
su caminda. Autoridad a wordo notifica inmediata-
mente di e situacion. Patruya di Playa a localisa e
chauffeur aki y par’e cerca di loke antes tabata Zepp
Wever Funeral Home.

A constata cu e chauffeur en cuestion tabata comple-
tamente bou influencia di alcohol.
Pa es motibo, Polis a detene e persona aki y asina
evita un desgracia mas grandi riba caminda.