Page 16 - AWM14JAN2017

16 AWEMainta Diasabra, 14 Januari 2017

MEP ta recorda e di

26 aña di fayecimento di

Guillermo Trinidad

DIADOMINGO awor, 15 di januari, ta recorda e di 26 aña di fayecimento
di un gran politico Arubano, esta Guillermo Prospero Trinidad.

Guillermo Trinidad a nace dia 25 di juni 1939 y a fayece dia 15 di
januari 1991.

Na bida e tabata diputado di Teritorio Insular di Aruba, miembro
di Parlamento di Antiyas, miembro di Conseho Insular di Aruba,
miembro di Parlamento di Aruba y Ministro di Finanza di Aruba.

Fayecimento di Guillermo Trinidad a cay manera un bom na Aruba,
y en especial den seno di su partido MEP. Na cuater ocasion (1982,
1983, 1985 y 1989) Guillermo a aparece riba lista di MEP. Un y tur
por corda ainda con hungando bala den e team di futbol forma dor
di su colega Ministernan, cu Guillermo despues di e partido di futbol
aki a sufri un atake di curason y cual a conduci na su fayecimento
repentino.

Guillermo Trinidad a resalta den e periodo cu el a fungi como Minister
di Finansa y cual cartera el a maneha den un forma profesional, cu hopi
dedicacion, integridad y sabiduria.

Na aña 1994, Gabinete Oduber II a duna reconocemento
na e gran personahe aki aki dor di duna e stadion cu ta
keda den su pueblo di Dakota e nomber di Compleho
Deportivo Guillermo Prospero Trinidad p’asina e fu-
turo generacionnan keda recorda e gran politico aki.

Partido MEP lo sigui recorda Guillermo Trinidad,
kende cu su vision y determinacion a contribui
grandemente na progreso di pais Aruba.