Page 18 - AWM14JAN2017

18 AWEMainta Diasabra, 14 Januari 2017

Deborah y Mark Friess

a wordo honra na

Marriott Ocean Club

RECIENTEMENTE, Deborah y Mark Friess a wordo
honra como Embahador di Esmeralda pa e isla di Aruba.
E huespednan aki ta hopi special mes cu ta bishitando nos
isla pa mas di 36 aña caba consecutivamente.

E titulo simbolico aki ta wordo presenta den nomber di
Minister di Turismo como un muestra di aprecio pa e
bishitantenan cu ta regresa Aruba.
Sr. Ricardo Croes di ATA a haci entrega di e certificado
aki durante un ceremonia oficial na Marriott Ocean Club.

E prome biaha cu sr. Friess a bishita nos isla tabata na aña
1960 y e tabatin 10 aña di edad ora nan a hospeda den
Caribbean Hotel & Casino.