Page 57 - ARUBA BANK

A publica un di tres conseho di CAFT riba e maneho financiero como tambe riba

prespuesto. Despues di e conseho riba presupuesto supletorio 2018 y riba presupuesto

2019, CAFT a publica su conseho riba e asina yama uitvoeringsrapportage. Esaki ta un

informe cu Gobierno ta duna riba ehecucion di presupuesto pa e di tres cuartal di 2018.

CAFT ta constata cu gastonan di Gobierno a aumenta cu 100 miyon florin na 2018

compara cu e realisacion di 2017. Di e suma aki, e gastonan di huur di edificio, gastonan

di ekiponan di oficina y servicionan cu Gobierno ta adkiri, a subi cu 14% compara cu aña

pasa, asina Parlamentario di Fraccion AVP, Richard Arends, a indica. Esaki ta ekivalente

na 24 miyon di florin.

Gastonan di personal a subi cu casi 7 miyon di florin compara cu aña pasa. E aumento di

gasto door di e Gobierno actual a wordo constata anteriormente door di fraccion di AVP,

pero awor CAFT ta confirma esaki. De mes manera Raad van Advies tambe a constata

esaki den presupuesto 2019.

CAFT a cuminsa aplica caba e asina yama begrotingsregels, e reglanan acorda cu

Gobierno Hulandes riba e manera con Gobierno di Aruba mester aloca e fondonan, cu

mester a drenta na vigor hunto cu prespuesto 2019. Sinembargo ta mira cu den

presupuesto 2018 CAFT ta aplicando esakinan caba. E reglanan nobo ta consisti di un

separacion di entrada y gasto. Na momento cu tin gasto structural no por compensa ni

cubri esakinan cu di gastonan incidental.

Literalmente e conseho di CAFT ta bisa: “Door de landen is afgesproken is dat

meevallers in de inkomsten ten tijde van een financieringstekort volledig ten gunste van

tekortreductie komen. Dit is in lijn met de eerder gemaakte afspraken.”