Page 61 - ARUBA BANK
P. 61
Parlamentario Endy Croes ta manda un señal pa Hulanda, si nan kier supervisa Aruba
via CAFT cu MEP no tin nada contra pero cu Hulanda mester ta un Mama cu por duna
bon ehempel y den e caso aki nan ta mustra abiertamente nan caracter di un mal Mama
trapando nos leynan vigente. Mas tristo ta actua contra un ley cu Mama Hulanda mes a
traha destilando esaki for di e protocol di 2 Mei 2015. “Inaceptabel bo bisa nos cu Bo no
sa. Ya cu nos ta den e antesala pa trata Ley di LAFT anto encarecidamente nos ta pidi
Henk Kamp pa entrega su retiro como muestra di a peca contra ley y alabes dunando
ehempel di integridad”.
“Henk Kamp ta un politico di hopi aña caba y ta imposibel e mes por a acepta e puesto
aki. Pues hancho pa Bo y smal pa nos. No way!! Nos tin tur prueba y lo vocifera esaki
fuertemente den Parlamento momento cu trata e Ley di LAFT pa e keda graba den
historia con Hulanda ta trapa riba ley segun e kier”. Parlamentario Endy Croes ta termina
haciendo un peticion na bon manera na Henk Kamp kende tabata ex Minister di
Volkshuisvesting en Ruimtelijke Ordening en Milieubeheer 2002-2003, alabes Minister
di Defensa te cu 2007 y Minister di Asuntonan Economico desde 2012 pa 2017 pa e
entrega su retiro na un manera nechi cumpliendo asina cu Ley di LAFT.
https://24ora.com/mep-ta-exigi-retiro-di-henk-kamp-for-di-caft/
