Page 60 - ARUBA BANK

Den e Ley di LAFT, esta e Landsverordening Aruba Financieel Toezicht tin ancra den
articulo 3 con e constelacion di e College (CAFT) ta hinca den otro. Esta e 3 miembronan

di cual Presidente ta wordo nombra door di “regering van het Koninkrijk”, Aruba ta

nombra un miembro y Hulanda ta nombra e di tres miembro. Articulo 4 di e Ley

di LAFT sinembargo ta regla hopi cla entre otro condicionnan pa bo por ta miembro y

alabes ki ora bo NO lo por wordo nombra como miembro.

Segun Parlamentario Endy Croes, Hulanda a trapa riba ley sin importa nada y e ta

sinti personalmente cu Aruba no mester acepta esaki sin mas y mester cuminsa exigi pa

Henk Kamp como un politico bieu comprende cu esaki no por y entrega su retiro

inmediatamente. Articulo 4 Lid d ta papia cla ki ora Bo no lo por bira miembro di CAFT.
Textualmente e articulo ta bisa: “een lid van de Staten of van een daarmee vergelijkbaar

orgaan van Nederland, of op de lijst staan OF HEBBEN GESTAAN van enige politieke

partij binen het Koninkrijk der Nederlanden”, no por wordo nombra como miembro

di CAFT.

Henk Kamp ta un politico cu tabata riba lista di VVD, esta e lista hustamente di e partido

di Mark Rutte, e Minister Presidente actual di Hulanda. “Pues Regering van het

Koninkrijk a comete un BLUNDER cu e nombramento aki sin mas. Inaceptabel si
Hulanda ta papia di integridad anto Hulanda ta trapa Ley di LAFT na e manera aki?”,

asina e Parlamentario di e partido na mando ta cuestiona.