Page 7 - BON DIA ARUBA

7
regional Diamars 21 maart 2017
Presidente di Chile, Michele Bachelet:
Militar di Bolivia deteni na Chile “cometiendo delito”

BOLIVIA (Publimetro).- Dos militar y siete
civil di Bolivia a keda deteni pa polis di Chile.
“Nan a ser deteni riba teritorio di Chile, com-
etiendo delito,” presidente di Chile, Michelle
Bachelet a splica. Bachelet a contesta riba de-
claracion di autoridad di Bolivia cu a denun-
cia secuestro di nan funcionarionan di banda
di autoridad di Chile.

“El a tuma lugar riba teritorio
Chileno, mientras nan tabata
cometiendo delito”, presi-
dente di Chile, Michelle
Bachelet a bisa den rueda di
prensa.
“Nan a horta un truck cu
hopi producto y cu intencion
di horta varios truck mas,”
Bachelet a bisa, ora cu e ta-
bata rechasa e version cu Al-
varo Garcia, vice-presidente
di Bolivia a duna den un de-
claracion na La Paz.
Alvaro Garcia a denuncia cu
dos militar y siete funciona-
rio di Bolivia cu ta traha den
lucha contra contrabando lo
a keda secuestra pa polis di
Chile den teritorio di Bo-
livia. Autoridad Boliviano
a yama e situacion aki un
agresion contra su pais.
Garcia a bisa cu polis di Chile
a ordena un detencion ilegal
y un secuestro den teritorio
di Bolivia di dos miembro di
ehercito y di siete miembro
di aduana”. Pa tal situacion
nos ta pidi pa debolbe di in-
medianto nos ciudadanon-
an”, Garcia a exigi.
Diadomingo polis di Chile
a confirma e detencion di
nuebe Boliviano na zona di
Colchane, den region Chil-
eno di Tarapaca, 1950 kilo-
meter na norte di Santiago.
E situacion a tuma lugar un
par di dia prome cu gobi-
erno di Evo Morales lo duna
un replica den contrademan-
da, den Corte Internacional
di Husticia di Den Haag.
Chile a presenta dilanti e tri-
bunal ey un contrademanda,
pa purba defende su mes di e
demanda cu La Paz a presen-
ta contra Chile. E intencion
di e demanda ey ta pa cum-
insa e discusion entre Chile y
Bolivia tocante e posibilidad
di cu Bolivia por haya un ac-
ceso na lama.
Bolivia a hiba Chile dilanti
di Corte di Haya na 2013, cu
obhetivo di haci un negocia-
cion cu por logra un acceso
soberano na lama. Bolivia a
perde su acceso na lama den
un guera cu Santiago, cu a
kita su unico salida pa oceano
Pacifico.
E paisnan no tin relacion dip-
lomatico cu otro desde 1978.