Page 33 - MIN VOS
P. 33
E actividad aki lo sali for di e parkinglot di Alhambra Casino y pa e caminata esaki lo bay te cu
Divi Phoenix y lo bin bek. Tambe e parti di coremento lo ta riba e mesun ruta, solamente e ta un
tiki mas largo cu e canamento.
E actividad lo sali for di 6’or di mainta, asina tambe e ta un orario mas fresco caminda cu tur
hende por participa na dje y por caba na un ora mas agradabel tambe.
Pa e parti di registracion, ta invita tur hende pa subi riba e pagina di Facebook di Koningin
Wilhelminafonds y aki por mira e parti di registracion. Tin un icon cu ta bisa Get Tickets,
caminda cu ta registra y ta bay directamente pa e registracion.
Tin e posibilidad pa busca bo Tshirt y registra na Botica Santa Anna na Noord. Tambe tin e
posibilidad pa busk’e na Radio Shack, na Tri-bike, tanto na Playa como na Santa Cruz. Tambe na
Botica Aloe na Pos Chikito y logicamente na e oficina di KWF den Spinozastraat.
E registracion ta bayendo hopi bon y contento cu e registracion. Hopi hende ta cumprando na e
puntonan di benta. Tambe tin e facilidad cu por djis registra riba e pagina di Facebook y ta haya
e registracion directamente. No tin limite di cupo segun Martinus.
