Page 35 - MIN VOS

kico ta e condicionnan basico cu ta necesario pa por traha un relacion di trabou
cu Baptist. Intencion ta pa e specialistanan no firma e documento aki nan so,
pero pa dialoga tambe cu Gobierno. “Ami lo bay presenta e documento aki na
Conseho di Minister y mi lo present’e na AZV. Mi ta kere esey ta importante, con
cu bay bin direct of indirect, Gobierno y AZV ta bay paga pe cuido”, Minister
Schwengle a indica.

E Minister ta hopi positivo y contento con e biahe a bay. Awor ta premira pa un
di tres encuentro prome cu Juni caba pa asina por firma e prome MOU entre
Baptist y IMSan. Actualmente tin un convenio existente, esey ta basa riba e
sosten den maneho di cuido di salud. Awo ta referi na un otro colaboracion cu lo
finalisa proximamente. Awor ta referi na un colaboracion medico mes. Minister
Schwengle a remarca cu e grupo cu a bishita Baptist a keda masha impresiona
cu e servicio y e facilidad di e instituto y ta dispuesto pa traha riba e plan di
colaboracion lo mas pronto posibel.

MINISTER ALEX SCHWENGLE A ATENDE

SIMPOSIO INTERNACIONAL DI TANG SOO

DO

April 19, 2017 adminarubanative Uncategorized Leave a comment

ORANJESTAD, Aruba – Dialuna a tuma luga un desayuno special y un simposio
cu e tema “Futuro desaroyo di Tang Soo Do y di e organisacionnan” den Centro
Kibrahacha. E simposio a conta cu presencia di Minister dr. Alex Schwengle di
Salud Publico, Cuido di nos Grandinan y Deporte, kende a topa cu Koewoong
Choung, Presidente di “World Tang Soo Do General Federation”, procedente di
Seoul, Korea.

E mandatario a keda masha contento, cu mescos ta sosodiendo den futbol, cu
awor den Tang Soo Do tambe e federacion mundial tin bista riba Aruba y ta
scoge nos isla pa organisa e tipo di simposionan asina. Claro cu esey ta sosode
tambe como un forma pa demostra nan sosten y simpatia pa e trabounan
desplega pa e organisacion local.
Entre e participantenan a figura, entre otro e Grand Master di Puerto Rico, di
Chile, di Panama, di Corsou, di Merca y di Colombia. Claro cu e representante di
Aruba a sirbi como anfrition di henter e evento, demostrando tambe e
adelantonan cu nos isla a experencia den e ultimo añanan.
E eventonan relaciona cu e simposio aki a cuminsa desde diabierna y lo sigui te