Page 3 - MIN JUS_Neat
P. 3
DEPENDENCIA KIMICO
(ADICCION)
Esaki ta un malea cu ta existi ora un hende ta abusa di un droga durante temporada masha largo, na
un manera cu ta haci daño na su mes ta den bida, na felicidad y na su relacion familiar y amistoso.
Dependencia kimico ta inclui un necesidad di uzo di droga, perdemento di control riba e uzo y, aunke
uzo di droga tin consecuencia negativo, e persona ta sigui usa e droga. Antes, hopi biaha, e definicion
di dependencia tabata dividi den dos categoria: dependencia fisico y dependencia psikico. E ultim
añanan e definicion di dependencia ta duna mas importancia na e dependencia psikico cu na e
dependencia fisico, pasobra e parti psikico hopi biaha tin mas influencia riba e tratamento y
curamento di un adicto cu e parti fisico. E dificultad pa stop di huma ta un bon ehempel pa demostra
e punto aki.
E fasenan pa jega na dependencia ta e siguientenan:
No uzo, uzo experiminatl, uzo ocasional, uzo regular of abuso, dependencia.
Evolucion den e fasenan aki ta sosode gradualmente den un temporada largo. Sinembargo, tin hende
cu ta evoluciona masha lihe den e fasenan aki, tin biaha den algun luna. E velocidad di evolucion ta
depende di e persona, droga cu e ta usa, frecuencia di uzo y e cantidad di uzo. Por ehempel, e
evolucion den alcohol normalmente ta bai mas lihe cerca un adolesente cu serca un adulto y e
evolucion den uzo di cocaina ta normalmente mas lihe cu di alcohol.
