Page 5 - MIN JUS_Neat

MEDIDANAN DI HUES DI

NECESIDAD URGENTE

Medidanan cu wordo tumaArt.43.1 Den tur caso cu e interes di un bon administracion di husticia ta
haci un medida necesario urgente, y e Codigo mes no ta contene un stipulacion, e sospechoso of esun
cu directamente tin un interes particular por haci un peticion pa tal medida wordo tuma.N’e mes

manera tambe ministerio publico tambe ta autorisa pa demanda tal medida.

2. Riba tal peticion of demanda, cu sancion motiva di no ta admisibel, lo dicidi durante e
investigacion preliminario dor di hues-comisario, na cuminsamento of na fin di e

investigacion na Corte dor di e hues cu ta trata e caso, of ultimamente a haci esei. Si e caso a
wordo entama of tabata na Hof, e ora e colegio y of un miembro apunta for di e colegio ta
autorisa.

3. Si e hues mesora ta di opinion cu esun cu ta hasi e peticion of e demanda no ta admisibel, of
si e peticion of demanda ta carese di tur motibo rasonabel, e ta nenga e medida sin mas

investigacion y cu motibonan simpel.
4. E medidanan por ensera tanto un ordo como un prohibicion, y tambe riba comportacion
relaciona den futuro.
5. E disposicion lo wordo duna mas pronto cu ta posibel cu interes di e caso ta exigi esei.

6. Asina leu cu e disposicion ta contene un sentencia, por wordo dicidi cu mientras, of cada bes
cu e sentensiado no ta cumpli cu e sentencia, e lo tin di paga un suma di placa, jama

dwangsom, stipula den e disposicion. E dwangsom aki, despues cu e por wordo cobra, ta
pertenece completamente n’esun cu a haña e sentensia. E por ehecuta e dwangsom conforme
e titulo pa cua esei ta stipula. Si e dwangsom no wordo paga. Hues, riba demanda di

ministerio publico, por ordena p’e sentensiando wordo secuestra durante un cierto periodo.
7. Hues ta autorisa, no opstante cu apelacion pa posibel, pa ordena e ehecusion provicional
(uitvoerbaar bij voorraad) di e disposicion.

8. Apelacion na Hof, contra e disposicion di e hues di e Corte di Prome Instancia, ta permiti den
termino di tres dia, si en vista di e interes di e medida cu a wrodo pidi Hof of un miembro di
e colegio aki a duna permiso.

9. E articulonan 38 te cu 42, tanto cu ta posibel, ta ingualmente aplicabel.
10. Durante tratamento di e peticion, of di e demanda, no por deduci n’e prosedura menciona
mas derecho cu e estado di prosedura penal ta permiti.