Page 4 - MIN JUS_Neat

Con bo por ripara cu un persona ta sufri di dependencia kimico? Solamente un profesional, cu tin
tempo y habilidad pa calcula, por diagnostica si un hende ta sufri di dependencia kimico. Un hende
por sufri di dependencia kimico, aunke e no ta usa droga tur dia. Por ehempel, hopi alcoholisa ta bebe

den fin di siman so. Tin hende cu no ta bebe pa lunana largo, pero si nan cuminsa, nan ta bebe pisa
durante algun dia.

Kico ta causa dependencia? Kico un hende ta bira adicto mientras otro no? No tin solo causa pa

dependencia kimico.Tin diferente factor cu ta hunga un rol pa contribui na esaki. Factor biogenetico,
sociocultural, psicologico y ambiental ta determina e escogencia di cantidad y frecuencia di uso di
droga. Por ehempel, un descendiente di un alcoholista ta mas zwak y ta core mas riesgo pa bira

alcoholista cu un hende cu no tin famia alcoholista. Cierto actitud cultural tambe por encurasha
bebemento pisa. Un ehempel di esaki ta e actitud cu bebemento ta un bon forma pa gosa. Facilidad
pa haya alcohol y otro droga ta un otro factor cu ta aumenta uso y abuso. Autoestima abou, habilidad

pober pa resisiti presion di grupo y habilidad pober pa establece relacion social tambe ta amplio
posibilidad di abuso di droga.

Tratamento di dependencia kimico ta efectivo?

Tratamento por ta efectivo, pero recuperacion di dependencia normalmente ta tuma tempo y bolbe

usa ta un parti comun di e malesa. Dependencia no ta cura y ta consider’e un malesa pa resto di bida.
Hende cu ta adicto ta desaroya un debilidad den su proceso biokimico, cu ta strob’e di controla uzo di

cualke droga.

Cua ta algun di e sintomanan di dependencia kimico?

E sintomanan por varia un poco, ta depende di e droga. Sinembargo, tur persona cu dependencia
kimico: tin necesidad sin control di uza droga – ta perde control ora nan uza e substancia – ta uza e

pesar di e consecuencianan. Ademas, generalmente, nan ta experencia” crecemento di tolerancia –
nengamento di e abuso – sintimento di culpa – perdida di memoria (majoria di biaha cu alcohol)-
imposibilidad pa stop di bebe, manera otro hende – keho di famia of problema encuanto abuso di

droga – problema na scol of na trabou relaciona cu abuso di droga – conflicto di relacion pa motibo
di abuso di droga – daño fisico – obsesion pa droga.